web counter
LEXO PA REKLAMA!

SHKARKO APP

App Store
Google Play

Paralajmëron drejtoresha e INSTAT/ Kush nxjerr të dhënat e censit do përgjigjet para ligjit

14 Janar 2024, 22:25, Aktualitet CNA

Paralajmëron drejtoresha e INSTAT/ Kush nxjerr të dhënat e censit

Drejtoresha e INSTAT, Elsa Dhuli ka bërë një paralajmërim për personat që kanë nxjerrë të dhëna nga rezultatet e censit para se të bëhen publike nga institucioni.

Ajo deklaroi se të dhënat i menaxhon një grup shumë i ngushtë profesionistësh të teknologjisë së informacionit dhe kjo e bën thuajse të pamundur informacionin të rrjedhë.

Megjithatë, Dhuli tha në Euronews Albania se personat që nxjerrin të dhëna do të mbajnë përgjegjësi para ligjit.

“Në radhë të parë unë nuk mund të diskutoj mbi shifrat, sepse jemi ende në procesin e përpunimit. Në lidhje me rrjedhjen e informacionit, në momentin që informacioni mblidhet ai menaxhohet nga një grup shumë i ngushtë profesionistësh të teknologjisë së informacionit dhe është e pamundur që informacioni të rrjedhë.

Sepse në radhë të parë jo vetëm që i gjithë stafi që ka qenë në terren prej 7500 personash por edhe i gjithë stafi i INSTAT ka nënshkruar një deklaratë konfidencialitetit të informacionit të mbledhur gjatë periudhës së terrenit por edhe tani. Edhe pasi databaza të jetë gati dhe të filloj procesi i prodhimit të indikatorëve.

Ky staf ka të nënshkruar deklaratën e konfidancialitetit dhe mban përgjegjësi për çdo informacion që mund të nxjerrë. Këto shifra nuk kanë dalë nga ne”, theksoi drejtoresha e INSTAT./ CNA





Lajmet e fundit nga