web counter
LEXO PA REKLAMA!

SHKARKO APP

App Store
Google Play

"Opozita po goditet pa bërë asgjë"/ Gazetari: Dhuna e policisë në protestë sa vjen e intensifikohet

20 Prill 2026, 21:51, Aktualitet CNA

"Opozita po goditet pa bërë asgjë"/ Gazetari: Dhuna e

Gazetari Armand Shkullaku ka folur mbrëmjen e sotme lidhur  protestën e opozitës dhe përplasjet me forcat e policisë.

I ftuar në “Çim Peka Live” në Syri Tv, Shkullaku u shpreh se dhuna e policisë në protestat e opozitës ka ardhur çdo herë duke u shtuar. Ai u shpreh se nuk mund të bëhet ndryshim në një vend ku sipas tij i është hequr çdo liri qytetarëve.

Ndër të tjera Shkullaku tha se nuk ka ndodhur në asnjë vend tjetër që 5 protestues të lihen në burg vetëm pse kanë marrë pjesë në një tubim.

"Këtu analizohet dhuna, veprimet e policisë. Regjimet totalitare që bëhen me demokratike nuk ekzistojnë. Kemi parë dhunë të 7-8 viteve më parë, por nuk krahasohet me dhunën e sotme. Sepse opozita e sotme goditet pa bërë asgjë. Hidhet ujë ndaj kryetarit të opozitës akoma pa mbaruar fjalimin. Nuk mund të presësh që të shtohen qytetarët. Këta që drejtojnë policinë sot janë ato që ndihmojnë të vjedhin zgjedhjet. Që marrin zvarrë ish-presidentin e vendit për të tmerruar votuesit e opozitës. Kjo është policia e një regjimi që partinë kryesore të opozitës, defacto e nxorri jashtë ligjit. Këto nuk kanë ndodhur në asnjë vend tjetër. Si mund të zgjohen qytetarët kur nuk ka shoqëri civile? Ke një qeveri që intensifikon dhunën dhe me paratë e krimit blen kundërshtarin politik. Edi Rama nuk do më asnjë njeri që ta shqetësojë, as opozitë, as qytetar. Ne duam që ndërsa këto liri kufizohen, njerëzit në rrugë të shtohen. Nuk mund të bëhet ndryshim me një regjim që ka hequr çdo liri. Opozita të shohë dhe opsionin që të ikë në shtëpi. Qytetarët pastaj ose të dalin përballë regjimit ose ta lënë. Nuk është çështje njerëzish është dhuna. 5 njerëz i lanë në burg sot që nuk ndodh në asnjë vend të botës. Njerëz në burg, njerëz të goditur, deputetë të goditur. Berisha, 80 vjeç u sulmua me ujë dhe piper. Rama ka qëllim të mbajë pushtetin me çdo çmim”, u shpreh Shkullaku. /CNA





Lajmet e fundit nga