web counter
LEXO PA REKLAMA!

SHKARKO APP

App Store
Google Play

Akuzat e forta të Adriana Kalasë: Paraja e pistë lidh Kushtetuesen, ka gjyqtarë që paguhen me kriptomonedha

20 Prill 2026, 19:13, Aktualitet CNA

Akuzat e forta të Adriana Kalasë: Paraja e pistë lidh

Avokatja Adriana Kalaja ka folur për aferat korruptive në Shqipëri duke thënë se është paraja e pistë ajo që lidh nga A-ja te Zh-ja kullat, dorgën, qeverinë shqiptare, Kuvendin e Shqipërisë, madje sipas saj dhe Gjykatën Kushtetuese.

Kalaja ka hedhur akuza të forta duke thënë se ka gjyqtarë që paguhen me kriptomonedha.

“Ne shikojmë televizionet e inceneratorëve, ata që ne deri dje e mbani mend besoj, që na bënin reklama se si do ishte inceneratori, madje kanë kurajo e thonë dhe sot e kësaj dite, se sa mirë ishte inceneratori, që nuk ekziston akoma dhe sot e kësaj dite. Ndërkohë janë të njëjtat media që na bënin reklamat e Portit të Durrësit.

Dhe e gjithë lidhja që unë dua të bëj qoftë me këtë bankë, po qoftë edhe me situatën e transaksioneve financiare në Shqipëri, është paraja e pistë.

Kjo është A-ja dhe Zh-ja që lidh kullat, lidh drogën, lidh qeverinë shqiptare, lidh Kuvendin e Shqipërisë po të duash, lidh Gjykatën Kushtetuese po të duash. Se ka gjyqtarë që paguhen me kriptomonedha.

Ndërkohë, ajo që është më thelbësore, përveç që të gjitha siç e thashë, i lidh paraja e pistë, është roli i Bankës së Shqipërisë.

Pse Banka e Shqipërisë në momentet më decizive nuk bën rolin që ka kontrollues, auditues.

Tani ne jemi përpara, po e marrim fakt të kryer 50.000,  50.000 anëtarëve që sipas mediave online na kanë thënë që janë bërë anëtarë të kësaj banke.

Kemi 50.000 shtetas shqiptarë dhe të huaj mbase, të cilët kanë dorëzuar gjeneralitetet, të dhënat e jetës së tyre. Dhe këto të gjithë, të gjithë, për sa kohë është një bankë me kapital të dyshimtë, me ortakë të dyshimtë, me lidhje të dyshimta, me historik zero... dhe me historik mbresëlënës në kuptim të veprave penale.

Pra, kemi përfshirë ne të gjithë në mënyrë harmonike, të përsosur, se si s'duhet të jetë një bankë. Pra, ne kemi Bankën e Shqipërisë që aprovon krijimin e një banke dixhitale me të gjithë treguesit që në fakt duhet të jenë kritere përjashtuese.

Tani, unë kam natyrë që domethënë vlerësoj punën e gjithsecilit dhe ne jemi përpara atij fakti që me gjithë problematikat dhe vështirësitë që ka Partia Demokratike, për shkak dhe të këtyre, se është e gjithë paraja e pistë që qarkullon në vend.

Unë nuk bëj pjesë në ata që ne denoncojmë lidhjet korruptive të Pallatit të djegur dhe ne akuzohemi ku është opozita. Domethënë, tjetri e djeg dhe e vjedh edhe e nxjerr lejen dhe thuhet ku është opozita.

Siç edhe banorët e Baks-Rrjollit apo kudo tjetër, votojnë qeverinë shqiptare, i shesin, pastaj thonë jo po e ka fajin Sali Berisha. Kështu që unë nuk bëj pjesë në këtë grup. Opozita dhe çdo qytetar shqiptar në këndvështrimin tim duhet të bëjë detyrën e saj. Dhe tani hajde t'i kthehemi pak rolit të Bankës së Shqipërisë.

Po ku ishte kjo Banka e Shqipërisë kur një kompani oligarkike bleu një bankë. Nuk lejohet. Nuk lejohet. Që një oligark që ka zotërime të mëdha në treg, sidomos pasuritë e paluajtshme, të blejë një bankë. U kalua në heshtje”, tha Kalaja./ CNA





Lajmet e fundit nga