web counter
LEXO PA REKLAMA!

SHKARKO APP

App Store
Google Play

Opozita nuk ndalet/ Ja kur do të mbahet protesta e radhës

24 Prill 2026, 12:48, Aktualitet CNA

Kreu i PD-së, Sali Berisha, në një deklaratë për mediat ka bërë me dije se më 8 maj opozita do të zhvillojë protestën e radhës.

“Jam sot për të informuar shqiptarët se me datën 8 maj, një ditë e rëndësishme, shqiptarët do të mblidhen në rrugët dhe sheshet e Tiranës në kryengritjen e tyre më të fuqishme paqësore që ka njohur vendi kundër kreut të organizatës kriminale dhe regjimit të tij, qeverisë së tij.

Pra, kundër Edi Ramës dhe narkoministrave. Ju bëj thirrje edhe ju që heshtni, por që shpirtërisht nuk aprovoni kurrë këto vjedhje monstruoze dhe këto qëndrime çnjerëzore ndaj kombit që mban Edi Rama.

Të lëmë mënjanë çdo pakënaqësi. Të lëmë mënjanë çdo mosmarrëveshje dhe të bashkohemi në këtë kryengritje të fuqishme si shpresa e vetme e shqiptarëve.

Kryengritja e cila synon të bashkojë të gjithë shqiptarët, pavarësisht nga moshat, pavarësisht se mund të jenë të bindjeve të ndryshme politike, por që gjykojnë se vjedhjet e tmerrshme të qeveritarëve që po shkatërrojnë financat e tyre, po shkatërrojnë vendin e tyre.

8 maji duhet të jetë dita e shqiptarëve. E protestës së tyre më të fuqishme. Unë kam besim se do të japim me 8 maj mesazhin më të fuqishëm ndaj këtij regjimi bandit dhe hajdut”, tha Berisha./ CNA





Lajmet e fundit nga