“Nuk ishte e mërzitur për publikimin e videos me Gjicin”/ Gazetari zbulon bisedën, çfarë e shqetësonte Alma.K.

18 Qershor 2023, 11:13, Aktualitet CNA

“Nuk ishte e mërzitur për publikimin e videos me Gjicin”/

Gazetari Edison Vatnikaj ka zbuluar bisedën që ka bërë me Alma. K, vajza, e cila u filmua në zyrë duke kryer marrëdhënie me ish-kryebashkiakun e Kukësit, Safet Gjicin.

Ai tha se nga biseda Alma.K., nuk ishte e shqetësuar për publikimin e videos, por për lidhjen apo komentet politike që po bëhen.

"I kam shkruar dhe më ka marrë vetë më pas. Nga biseda nuk ishte e shqetësuar, por kishte pak vërejtje për sa u përket komenteve politike. Ajo më tha se me Gjicin ka pasur prej kohësh një raport intim dhe si duket nuk është shqetësuar fare.

E kam pyetur se si është regjistruar videoja, nuk më ktheu përgjigje, por më tha se është shpërndarë nga një person i tretë që mesa kuptova më tha se është një shok. Nga informacionet që kam marrë unë jeton në lagjen 12 të Durrësit. Ka një fëmijë të moshës 12 vjeç. Nuk e di nëse është e martuar apo e divorcuar", tha ai.

Gazetari tha se shqetësimi i vetëm për gruan ishin aludimet në media se ishte një person i vendosur qëllimisht.

Ajo shtoi se asgjë nga këto nuk është e vërtetë, por e ka kryer marrëdhënien me dëshirë, pasi prej kohësh kishte një lidhje me ish-kryebashkiakun Gjici.

"Kam komunikuar me gruan. Biseda është zhvilluar mëngjesin e kësaj të shtune rreth orës 11 e 26 minuta. I kam shkruar dhe më ka marrë vetë mbrapsht në telefon. Ishte duke bërë xhiro me qenin me sa më tha. Nga biseda nuk m’u duk e shqetësuar, me gjithë faktin e publikimit të videos.

Kishte vetëm vërejtje për komentet që thonë se është e nxitur, është e SHIK-ut apo është e Berishës, këto komente e shqetësonin më shumë. Ajo më tha që është e drejta e çdokujt të ketë një raport intim. Me zotin Gjici ka pasur prej kohësh një raport intim dhe nuk ishte e shqetësuar fare", tha gazetari.

Gjithashtu ai shtoi: "E pikëlluar dhe e mërzitur nuk m’u duk, por nga mënyra si tha që nuk mund të ndërhyni në mes të një çifti, si duket mund të ketë qenë shumë e konsoliduar si marrëdhënie"./CNA