web counter
LEXO PA REKLAMA!

SHKARKO APP

App Store
Google Play

Ngjarjet në Zvërnec/ Këlliçi: Fajtor, sistemi i ngritur nga Edi Rama

2 Qershor 2026, 21:12, Aktualitet CNA

Ngjarjet në Zvërnec/ Këlliçi: Fajtor, sistemi i ngritur

Deputeti i PD-së, Belind Këllicci ka folur mbrëmjen e sotme lidhur me ngjarjet e ndodhura në Zvërnec dhe protestat që po zhvillohen.

I ftuar në “A Krasta Show”, Këlliçi i cilësoi ngjarjet e 30 majit dhe dhunimin e protestuesit në Zvërnec si të tmerrshme.

Ai tha se fajtor për këtë gjithë situatë, është sistemi i ngritur nga kryeministri Edi Rama. Sipas deputetit, Rama e ka ndarë Shqipërinë “në copa dhe e shet sipas interesave të momentit”.

“Këndvështrimi im është ai që unë kam mbajtur. Qytetari që merrej zvarrë në Zvërnec nga banditë me maska, pa uniformën e Policisë së Shtetit. Ajo ka qenë një ngjarje e tmerrshme, e llahtarshme. Në një moment, secili prej nesh jemi ndjerë si ai zotëria që u tërhoq zvarrë.

Ato pyetje që ia kam bërë kryeministrit në seancën plenare i bëj edhe sot. A ka bërë transparencë Edi Rama për këtë çështje? Fajin për gjithë këtë e ka sistemi që ka ngritur Edi Rama.

Fakti që Edi Rama ka ngritur këtë sistem, që kur një investitor serioz vjen në Shqipëri haset me këto problematika dhe kundërshti të qytetarëve, fajin e ka kreu i këtij shteti. Edi Rama po e ndan Shqipërinë në plaçkë private. 

Ka ca zona të mbrojtura dhe sigurisht ky vend ka një histori, një memorie. Edhe ajo protestë e Teatrit Kombëtar e aq pak artistëve pati një jehonë të madhe se aty u morën zvarrë, në emër të ndërtimit të teatrit brenda një kulle, u morën zvarrë artistët dhe u dhunuan të rinjtë.

Këtu kemi të bëjmë me një kryeministër që e ka ndarë Shqipërinë në parcela dhe e shet sipas interesave të momentit. Sa herë ky ka një problem, i jep një copë truall, siç ishte rasti me kampin e Gjadrit, që të huajt të thonë një fjalë të mirë për të dhe ky të rrijë në pushtet”, u shpreh Këlliçi. /CNA





Lajmet e fundit nga