Menaxhimi i situatave “tantrum” tek fëmijët dhe reagimi i prindërve/ Analistja Kapllani: Duhet një ton i qetë, por i prerë

2 Qershor 2026, 18:05, Aktualitet CNA

Menaxhimi i situatave “tantrum” tek fëmijët dhe reagimi i

Analistja Genta Kapllani ka folur në podcasting “Ndryshe, por bashkë” edhe lidhur me situatat e tantrumeve tek fëmijët me autizëm, reagimin e prindërve dhe menaxhimin e tyre.

Gjatë bashkëbisedimit me terapisten Debora Zelaj, Kapllani tha se në rastin e tantrumeve, shpërthimet sjellore tek fëmijët kanë një qëllim të caktuar.

“Në rastin e tantrumeve, janë shpërthime sjellore dhe kanë një qëllim. Nga momenti që një sjellje bëhet me një qëllim të caktuar, individi përpiqet ta “manipulojë situatën. Nëse është një sjellje e përsëritur, padyshim është një sjellje e përforcuar. Këtu jemi te një sjellje e kontrolluar e fëmijës për të marrë diçka. Pjesa më e madhe e tantrumeve. Tantrumet janë deri diku dhe ngjasojnë si një tekë e një fëmije që nuk kanë vështirësi”, tha Kapllani.

E pyetur se si duhet të jetë reagimi i një prindi, analistja Kapllani tha se është i nevojshëm një tonë i qetë por në të njëjtën kohë i prerë. Ajo theksoi se dëshira e fëmijës nuk duhet plotësuar në moment, por duhet që fëmija të kuptojë kufijtë.

“Duke qenë se është një shpërthim sjellor, aq sa edhe momenti që i plotësohet dëshira fëmijës, ndonjëherë shprehet prindi si me buton. Në momentin që fëmija e merr atë që do ndalon tantrumi. Në këtë rast duhet të jemi strikt. Sugjeroj dhe rekomandoj një ton të qetë por të prerë. Nëse në rastin e meltdoën, toni është mbështetës dhe suportues, në rastin e tantrum duhet të jemi të prerë dhe strikt në atë që themi. Nëse prindi ja plotëson dëshirën fëmijës, sigurisht situata qetësohet, siç e përmendëm dhe më sipër. Por kjo nuk është zgjidhja e duhur por vetëm momentale. E duhura do të ishte që fëmijës mos t’i plotësohet dëshira në atë moment. Të qetësohet fëmija dhe duke pasur një ton të prerë, i kupton kufijtë”, u shpreh analistja.

Lidhur me menaxhimin e situatave tantrum, është shumë i rëndësishëm bashkëpunimi mes terapistit, prindit, terapistit mbështetës në shkolla ose çerdhe dhe mësuesit.

“Është shumë i rëndësishëm bashkëpunimi midis terapistit, prindit, terapistit mbështetës në shkolla ose edukatorit apo mësuesit kryesor. Në fakt është terapisti ose specialisti i sjelljes, i cili është një drejtuesi i të gjithë këtij procesi. Ai duhet të ndërtojë një strategji, një plan ndërhyrës të qartë për të gjithë aktorët dhe të njëjtë për çdo ambient. Padiskutim duhet të jemi në të njëjtin nivel ndërhyrje me fokus gjithmonë komunikimi. Një komunikim të përshtatshëm”, tha ajo. /CNA