web counter
LEXO PA REKLAMA!

SHKARKO APP

App Store
Google Play

Ndërpritet terapia për pacientët me kancer/ Gazetari denoncon prishjen e pajisjes te Onkologjiku

27 Qershor 2025, 18:53, Aktualitet CNA

Ndërpritet terapia për pacientët me kancer/ Gazetari denoncon

Gazetari Osman Stafa me anë të një statusi në rrjetet sociale ka publikuar mesazhin e një qytetari i cili denonocon prishjen e një prej pajisjeve të Akseleratorit Linear.

Stafa shkruan se në Shqipëri ka vetëm dy të tillë dhe punën e Akeseleatorit Linear 2 nuk e bën dot pajisja tjetër. Më tej, gazetari shkruan se pacientët me tumor janë lajmëruar të mos shkojnë në spitale dhe seancat janë ndërprerë pa afat.

Shkak për prishjen e Akseleatorëve Linearë bëhet mbingarkesa, thotë Stafa, pasi duhen të paktën 4 pajisje të tilla.

 

Statusi i Osman Stafës

ËSHTË SITUATË ALARMANTE!!!

PRISHET AKSELERATOR LINEAR 2 NË SPITALIN ONKOLOGJIK, TRAJTIMET E PACIENTËVE ME KANCER NDËPRITEN!

Në Shqipëri ka vetëm 2 akseleratorë linearë për trajtimin e pacientëve me kancer.

Sot, njëri prej tyre Akseleratori Linear 2, është prishur.

Punën e këtij akserelatori nuk e bën dot pajisja tjetër.

Rezultati? Pacientët me tumore po lajmërohen të mos paraqiten në spital. Seancat ndërpriten pa afat.

Mjekët e po këtij spitali e pranojnë se radioterapia duhet të jetë e pandërprerë, ndryshe nuk ka efekt mjekësor.

Por shteti shqiptar nuk ka as rezervë, as plan emergjence, as ndjeshmëri njerëzore për të sëmurët që luftojnë për jetën.

Përballë një diagnoze kanceri, çdo ditë është luftë me kohën. Por Shqipëria nuk u garanton më as kohë, as shpresë.

Zgjidhje ka pasur. Por nuk veprojnë.

Duhen së paku 2 akserelator të tjerë, që situata të normalizohet. Mund të kushtojnë 4 mln euro. Ata 2 që janë, prishen prej mbingarkesës çdo 2-3 javë./ CNA





Lajmet e fundit nga