web counter
LEXO PA REKLAMA!

SHKARKO APP

App Store
Google Play

E fundit!

x

Hoxha dhe Kumbaro inspektim në Himarë/ Trafiku, mjetet lundruese, hapësira publike dhe zhurmat në plazhe

27 Qershor 2025, 14:19, Aktualitet CNA

Hoxha dhe Kumbaro inspektim në Himarë/ Trafiku, mjetet lundruese,

Ministri i Brendshëm, Ervin Hoxha, dhe ministrja e Turizmit dhe Mjedisit, Mirela Kumbaro, kanë vijuar inspektimet në plazhet e bregdetit Jon për masat e marra për një sezon turistik të sigurt. 

Nga Himara, Hoxha tha se ka prezencë të shtuar të efektivëve përgjatë gjithë bregdetit, për monitorimin e plazheve, mjeteve të lundrimit apo zhurmës akustike.

Kumbaro kërkoi bashkëpunimin e policisë kufitare për respektimin e rregullave të mjeteve të turizmit detar.

Po ashtu kërkoi nga të gjithë administratorët e plazheve private të respektojnë distancën 2.5-3 metër buzë detit si hapësirë publike, si dhe koordinim mes bashkisë dhe Agjencisë Kombëtare të Bregdetit për mirëmbajtjen dhe pastrimin e plazheve publike.

Gjatë qëndrimit në Himarë, ministrat u takuan me pushues, si dhe me biznese që kanë ‘beach bar’.

Himara është një prej destinacioneve që tërheq shumë vizitorë vendas dhe të huaj, dhe ku sezoni ka nisur prej muajit prill./ CNA





Lajmet e fundit nga