"Mos vdeksh kurrë Fatos Nano"/ Rama: Sa të paskan dashur more burrë i dheut dhe ata që të kallën në burg

2 Nëntor 2025, 12:50, Aktualitet CNA

"Mos vdeksh kurrë Fatos Nano"/ Rama: Sa të paskan dashur

Kryeministri Edi Rama ka mbajtur fjalën e tij në homazhet e zhvilluara për ish-kryeministrin dhe ish-kryetarin e Partisë Socialiste, Fatos Nano.

Rama e nisi fjalimin me reagimet e bëra nga figurat politike dhe publike për shuarjen e ish-kryeministrit.

Kryeministri tha se do të donte të darkonte me Nanon për të diskutuar të gjitha këto reagime dhe nga ata që e burgosën dhe që për vite me radhë e akuzuan për të gjithë të zezat.

Sa i përket rolit të Fatos Nanon në drejtimin e Partisë Socialiste dhe në politikë, pas daljes së tij nga burgu Rama e quajti paraardhësin e tij një kafshë të rrallë politike.

Duke u ndalur te bashkëpunimi i tyre dhe pasimin e Nanos nga Rama në krye të PS, kryeministri e krahasoi me ndërrimin e turneve të shpferëve të një makine. Rama e mbylli fjalimin e tij duke thënë: Mos vdeksh kurrë Fatos Nano.

Fjalimi i Ramës

I thonë një fjale vdis pa të të duan. Sa do të doja i dashur Fatos të uleshim sonte në një nga ato darkat tona e t’i kalonim deri vonë në atë revistën tonë tërë ç’u tha e ç’u shkrua qysh se doli lajmi se ti ike përgjithnjë. Po sa të paskan dashur e të paskan admiruar more burrë i dheut dhe ata që s’lanë shkopinj nën rrota pa të vënë. Deri ata që të kallën në burg dhe erdhën të të vrasin në zyrë e të lëshuan në fytyrë për vite të tëra fgjithë të zezat. Veç ta shihje si t’i kanë qëndisur fjalët. Plasja më vjen që s’do jemi sot për një darkë që s’kishte të paguar. Në vend të qeshja me ty sot mua më duhet të rendis fjalët e një lamtumire që s’e imagjinova dot hiç. Të betohem as fare nuk të mendova ty të shtrirë në një arkëmort për të ikur me të vërtetë nga kjo jetë që e deshe dhe jetove, duke ia pirë gotat e fatit me fund dhe duke ia tymosur kapitujt me atë endje qoftë kur ngjiheshe në majë, qoftë kur prekje fundin apo tërhiqeshe mënjanë. Ja që më ra mua kjo punë e rëndë që kryetari i jep lamtumirën themeluesit të familjes sonë.

U bënë qesharakë ata që duke folur për ndarjen nga jeta të Fatos Nanos, morën me të mirë veten e tyre.

Nga birësimi im deri te vrasja e babait për marrjen e skeptrit të tij, nuk ka vend këtu sot.

Profili i tij i dha Fatos Nanos spektrin për drejtimin e së majtës pas varrimit të partisë së punës.

Në selinë e partisë që ai udhëhoqi qëndron një foto e tij, e cila për mua mbetet një pamje domethënëse pas daljes së tij nga burgu.

Fatosi i selisë, i sapodalë nga burgu me sytë që shkeëlqejnë plot xixa, është një kafshë e rrallë politike që ka meritën e madhe që PS nuk lëvizi asnjë moment nga graviteti i interesit kombëtar. Ndër ata që e nderuan kryetarin tonë me fjalë të mëdha pas vdekjes ishin dhe ata që e ngritën dhe e ulën tradhtar. Unë e ka dëgjuar prej tij bisedën e tij me kasapin e serbisë. Kur një ditë të dalin në dritë fjalët e thëna në atë takim atëherë askush, dot askush nuk do të mund të vërë në diskutim se konytributi për çlirimin e Kosovës dhe nënshkrimin e marrëveshjes së Ohrit e radhit Nanon në reshtat parë të nderit të kombit.

Në drejtim të qeverisë, atij iu desh të drejtonte daljen e popullit nga shkretëtira e piramidave. U përball me një opozitë proimitive dhe me sulme të armatosura ndaj vendit dhe ndaj tij fizikisht. Gjithsesi kjo nuk ëhtë dita për të shkruar historinë e Fatos Nanon, por dita për t’i dhënë atij lamtumirën. Do të më mungojë komunikimi ymnë si mes shoferit të turnit të parë me shoferin e turnit të dytë për të njëjtën makinë. Më kuptoje në ajër. Kur mendoj se çfarë katërrotaku sovjetik në turnin e parë dhe se çfarë mjeti më të mirë mora unë prej teje, më vjen krej nathyrshëm të të them mos vdeksh kurrë Fatos Nano.