web counter
LEXO PA REKLAMA!

SHKARKO APP

App Store
Google Play

Media e Veliajt fshin lajmet e famozit Ndreca

23 Maj 2024, 19:46, Aktualitet CNA

Deputeti Plarent Ndreca debatoi dhe sulmoi ditën e sotme Inspektorin e Lartë të Drejtësisë, Artur Metanin gjatë raportimit të këtij të fundit në Komisionin e Ligjeve.

Sulmin tejet personal, Ndreca e justifikoi me pretendimin se është mbajtës i sovranitetit të popullit, ndonëse ai ishte vetëm zëvendësues në listat e PS-së dhe nuk u zgjodh nga populli për t’u bërë deputet.

Ky debat u raportua edhe nga mediat, por ajo që vihet re është se njëra nga mediat e kryebashkiakut Erion Veliaj e ka fshirë raportimin e tij.

Bëhet fjalë për portalin shqiptarja.com të Carlo Bollinos, një media kjo mbështetëse e Erion Veliajt, e paguar nga inceneratorët. Media e Bollinos ka fshirë lajmin për Plarent Ndrecën, i cili njihet si një nga 99-çat e Erion Veliajt.

Media e Veliajt fshin lajmet e famozit Ndreca
Lajmi i fshirë nga media e Carlo Bollinos

Fshirja e këtij lajmi për famozin Ndreca provon ndikimin e Rilindjes dhe njerëzve të Veliajt mbi mediat e paguara nga inceneratorët.

Ky është debati i fshirë nga portali shqiptarja.com

"Plarent Ndreca:

Ne dje kishim në raport SPAK, i cili si Inspektori i Lartë të Drejtësisë është një ndër institucionet e reja të drejtësisë, por që në fakt me vullnetin, grintën e trupës së prokurorëve megjithëse vështirësitë dhe problematikat që shoqërojnë një institucion të ri, ka arritur të prodhojë rezultate të jashtëzakonshme dhe ka arritur të rrisë besimin e publikut tek ky institucion. Po a është institucion perfekt? Jo! A janë institucione të tjera të drejtësisë perfekte, aspak! A kanë probleme të zbatimit të ligjit institucionet e drejtësisë, unë them që kanë. Dhe kush është institucion që duhet ti konstatojë dhe duhet të na garantojë ne si përfaqësues të sovranit, që sistemi i drejtësisë është brenda balancave kushtetuese unë them që është Inspektori i Lartë i Drejtësisë.

Media e Veliajt fshin lajmet e famozit Ndreca
Mbledhja e sotme në Komisionin e Ligjeve

Përgjigja e Inspektorit të Lartë të Drejtësisë:

"...Në ato që vërejta nga shqetësimi që ngritët, e para kishit disa pasaktësi ndoshta. Por ajo që është më themelore unë shikoj një diferencë të madhe filozofie pune. Unë nuk jam SPAK-u dhe nuk do bëhem asnjëherë SPAK-u i gjyqtarëve dhe prokurorëve dhe kjo është themelore sa i përket institucionit të kontrollit të jashtëm të gjyqtarëve dhe prokurorëve siç është Inspektori i Lartë i Drejtësisë. Inspektori i Lartë i Drejtësisë performon me standarde, standarde të konfirmuara nga këshillat dhe nga KPA. Dhe kjo është themelore për t’u trajtuar si standard pune i kontrollit të jashtëm që bën Inspektori i Lartë i Drejtësisë."

Pra, pasi një ditë më parë ju servilos SPAK-ut, sot Plarent Ndreca i thoshte ILD-së pse nuk na i tregon ti problemet e SPAK-ut!

Dhe këtë sulm të hapur ndaj ILD-së nga 99-çi i Veliajt, media e Carlo Bollinos e “zhduk” nga faqja e saj./ CNA





Lajmet e fundit nga