web counter
LEXO PA REKLAMA!

SHKARKO APP

App Store
Google Play

Mbyllja e "TikTok"-ut/ AGSH depoziton kërkesë në Gjykatën Kushtetuese

25 Mars 2025, 11:46, Aktualitet CNA

Mbyllja e "TikTok"-ut/ AGSH depoziton kërkesë në

Aleanca për Gazetarët Shqiptarë ka depozituar në Gjykatën Kushtetuese një kërkesë për shpalljen si antikushtetues të vendimit të qeverisë shqiptare për mbylljen e paltformës sociale "TikTok".

Kreu i AGSH-së, Isa Myzyraj, në një deklaratë për mediat u shpreh se ka besim se anëtarët e Gjykatës nuk do ta legjitimojnë sepse kjo do të krijojë precedent që mund të çojë në mbylljen e rrjeteve të tjera sociale.

“Nuk mund të shkohet në censurë të plotë dhe mbyllje të rrjeteve sociale. Kjo cenon lirinë e shprehjeve dhe të drejtën ekonomike të qytetarëve shqiptarë. Jemi besimplotë që anëtarët e GJK nuk do ta legjitimojnë sepse kjo do të krijojë precedent që mund të çojë në mbylljen e rrjeteve të tjera sociale, apo mbylljen e internetit nga kjo qeveri apo qeveri të tjera që do të vijnë më pas”,-tha Myzyraj.

Ndërkohë, drejtuesi i qendrës CLE u shpreh se kjo kërkesë është depozituar për propozim të papajtueshëm për vendimin e KLP-së. Ai tha se mbylljen e kësaj platforme e konsideron si masën e fundit që duhet të merrej.

“Kemi depozituar kërkesën për propozim të papajtueshëm për vendimin e KLP-së.

Vendimi është justifikuar si i marrë pas një ngjarjeje të rrezikshme.

Cenon rëndë lirinë e shprehjes dhe atë ekonomike.

Cenon parimet dhe të drejtat.

Ato mund të kufizohen vetëm në bazë të interesit publik, por rezulton se vetëm është argumentuar dhe nuk është provuar në VKM.

Edhe nëse ndodh cenimi i interesit publik, kufizimi duhet të ndodhë në mënyrë të kufizuar.

Mbyllja duhet të ishte masa e fundit.

Duhej garantuar interesi publik.

Në kërkesën e depozituar, kemi kërkuar edhe pezullimin e zbatimit të saj”, -tha drejtuesi i CLE./CNA





Lajmet e fundit nga