web counter
LEXO PA REKLAMA!

SHKARKO APP

App Store
Google Play

“Zoti na dhëntë mirësi, jo luftë”/ Kryegjyshi Botëror, Baba Mondi uron nga teqeja e Turanit në Korçë

25 Mars 2025, 10:36, Aktualitet CNA

“Zoti na dhëntë mirësi, jo luftë”/ Kryegjyshi

Kryegjyshi botëror, Haxhi Dede Edmond Brahimaj, ka uruar ditëlindjen e Imam Aliut nga teqeja e Turanit në Korçë.

Gjatë fjalës së tij, Baba Mondi ka uruar paqe dhe mirësi për këdo.

"Ju uroj gëzuar këtë ditë të shenjtë të lindjes së Imam Aliut. Këto ditë të bekuara për të gjithë bektashinjtë kudo në botë, edhe për myslimanët, sepse Imam Aliu ka qenë një nga figurat më të përkryera pas profetit Muhamet. Ka qenë zëvendësi i tij në grada shpirtërore dhe të gjitha problemet që ka pasur feja islame, ai ka qenë në ballë të luftërave për paqen, për dashurinë, për demokracinë njerëzore. Edhe jeta e tij ashtu ishte, e mrekullueshme, edhe familja e tij e shenjtë. Ka treguar shembull të fesë islame dhe gjithë njerëzimit se si duhet të jetë një familje.

Kështu, në këto ditë të shenjta ka lindur edhe ky burrë që ka lindur në Qabe, në një vend të shenjtë që s'ka lindur njeri. I tregoi botës që edhe njerëzimi, njeriu është qenia më e përkryer e kësaj bote dhe duhet ta respektojmë atë sepse edhe zoti e thotë në kuran se 'e bëra njeriun me shëmbëlltyrën time'. Pra, ne jemi zoti në tokë, na ka dhënë të gjitha, mendjen, sytë, gjithçka që i duhet një njeriu për të përballuar vështirësitë e kësaj bote provizore. Unë me këtë rast i uroj besimtarët për paqe, dashuri, mirësi në familje dhe kudo. Zoti na dhëntë mirësi, jo luftë, na dhëntë dashuri dhe jo luftë, na dhëntë dashurinë për njëri-tjetrin dhe gjithë njerëzimin. Zoti na bekoftë të gjithëve. Amin!", tha Kryegjyshi Botëror./ CNA





Lajmet e fundit nga