E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Mbështetëse e SPAK dhe reformës në drejtësi/ Collen Hyland emërohet Zv/Ndihmës Sekretare Amerikane për Ballkanin Perëndimor

14 Mars 2025, 21:07, Aktualitet CNA

Mbështetëse e SPAK dhe reformës në drejtësi/ Collen

Shtetet e Bashkuara të Amerikës kanë emëruar Colleen Hyland në detyrën si Zëvendësndihmës Sekretare Amerikane për Ballkanin Perëndimor. Ajo do të zëvendësojë Alexandru Sashi Kasanof, i cili ka mbajtur më parë këtë detyrë. Colleen Hyland, deri më tani, ka mbajtur detyrën si drejtoreshë e Zyrës për Evropën Jugperëndimore.

Hyland është një diplomate me përvojë në karrierë, e cila ka punuar në misionet diplomatike të SHBA-së në Bagdad, Kabul dhe Prishtinë.

Ajo flet gjuhën shqipe dhe ka shumë eksperiencë në luftën kundër korrupsionit.

Hyland është mbështetëse e SPAK-ut dhe reformës në drejtësi dhe e ka deklaruar edhe më parë këtë qëndrim.

“Shqipëria ka bërë një përparim të shkëlqyer falë edhe SPAK-ut, që është një organizatë, e cila ka bërë një punë të jashtëzakonshme. Sondazhet tregojnë se SPAK-u ka fituar respektin e qytetarëve të vendit, sepse ajo ndihmon vendin që të trajtojë çështjet e korrupsionit.

SPAK-u, sipas saj, duhet ruajtur dhe forcuar në mënyrë që të dërgohet një sinjal shumë i fortë tek investuesit e huaj dhe tek shqiptarët që të investojnë në vendin e tyre, ndërsa SHBA-të janë të gatshme ta ndihmojnë më tej Shqipërinë në rrugën e integrimit europian”,-ka deklaruar më parë Hyland në një intervistë për Zërin e Amerikës.

Rreth një vit më parë, më 16 shtator 2024, Colleen Hyland, në atë kohë Drejtuese e Zyrës për Evropën Jugore dhe Qendrore në Departamentin e Shtetit të SHBA, zhvilloi një takim me Drejtuesin e SPAK, Altin Dumani.

Në njoftimin e saj, Hyland shprehej se Shqipëria ka mbështetjen e plotë të Shteteve të Bashkuara për SPAK dhe institucionet e pavarura, duke theksuar rolin kyç të reformës në drejtësi.

“Gjatë vizitës së saj sot në Tiranë, Colleen Hyland, Drejtuese e Zyrës për Europën Jugore dhe Qendrore në Departamentin e Shtetit të SHBA, u takua me Drejtuesin e SPAK, Altin Dumani. Znj. Hyland përsëriti mbështetjen e plotë të Shteteve të Bashkuara për SPAK dhe institucionet e pavarura të Shqipërisë, duke theksuar rolin kyç të reformës në drejtësi në përparimin e rrugëtimit të Shqipërisë drejt aspiratave të saj euroatlantike”,-thuhej në mesazhin e Hyland tënjoftuar nga Ambasada e SHBA-së në Tiranë./CNA