web counter
LEXO PA REKLAMA!

SHKARKO APP

App Store
Google Play

Marrëveshja PD-PL/ Topalli: Nuk është hera e parë që ndodh, nuk duhen nënvlerësuar 100 mijë votat e Metës

27 Tetor 2022, 23:03, Aktualitet CNA
Marrëveshja PD-PL/ Topalli: Nuk është hera e parë që
Ish-kryeparlamentarja Jozefina Topalli

Ish-kryeparlamentarja Jozefina Topalli ka komentuar marrëveshjen e firmosur nga Sali Berisha dhe Ilir Meta, për zgjedhjet lokale të vitit 2023.

E ftuar në emisionin "Të Paekspozuarit" nga Ylli Rakipi, Topalli theksoi se nuk duhen nënvlerësuar 100 mijë votat e Ilir Metës.

"Nuk është hera e parë që shoh një marrëveshje të tillë. Hera e parë ka qenë në vitin 2009.

Ka qenë një marrëveshje që Berisha dhe Meta nuk e kishin me ndonjë entuziazëm të madh, por kur nuk qeveris dot i vetëm, realizmi politik kërkon një marrëveshje. Sot e kanë quajtur front opozitar përballë një qeverisje që ka marrë të gjithë pushtetet.

Meta nuk është për t'u nënvlerësuar sepse ka marrë 100 mijë vota në zgjedhjet e shkuara. 100 mijë vota, asnjë forcë politike nuk mund t'i nënvlerësojë.

Nxjerrja e kandidatëve të përbashkët është një ndër pikat. Është hapi i parë, një strategji për t'u ndjekur pastaj për zgjedhjet parlamentare.

Nuk mund të harrojmë që zgjedhjet lokale bëhen në kushtet kur opozita ka zero bashki. Kërkohet një sinergji më e madhe e forcave politike, sepse po e fillojmë nga minusi.

Nuk ka pse të krijojmë pesimizëm për të mos ia dalë. Janë të gjithë kushtet, që me krijimin e një fronti të vërtetë, kundër një mazhorance që ka marrë çdo gjë dhe çdo pushtet, të bëhet hapi i parë i rëndësishëm, për të arritur dhe hapin madhor, zgjedhjet e pas tri viteve", deklaroi Topalli./ CNA.al

 





Lajmet e fundit nga