E fundit!

19:55 Aktualitet

“Protestat e kanë goditur qeverinë”/ Kikia: Ministrat dhe deputetët nuk ecin të lirë në rrugë

Gazetari dhe analisti Mentor Kikia ka folur ditën e sotme ...

MANIPULIMI/ Për skandalin e TIMS nuk ka kallëzim në SPAK

27 Mars 2025, 11:05, Aktualitet Ferdinand Dervishi

Skandali i vjedhjes së të dhënave të sistemit TIMS të Policisë së Shtetit implikon dy ish-ministria të Brendshëm, Bledi Çuçin dhe Taulant Ballën, që të dy të vendosur në lista të sigurta për zgjedhjet parlamentare të 11 majit, nga Kryeministri, 1 ish-drejtor të Përgjithshëm të Policisë dhe një numër rë madh zyrtarësh të tjerë të rangjeve të ndryshme të policisë.
Komisioni Hetimor parlamentar, pasi i mori në pyetje të implikuarit, përgatiti kallëzim për shpërdorim detyre adresuar Prokurorisë së Posaçme (SPAK).
Kuvendi e kishte për detyrë ta dorëzonte këtë kallëzim në SPAK, por nuk e ka bërë.
Deputeti i Partisë Demokratike, Ervin Salianji, kryetar i komisionit hetimor parlamentar për çështjen e TIMS, tashmë i dënuar, pasi konstatoi se Kuvendi nuk e kishte dorëzuar kallëzimin në SPAK, deklaroi, në datën 6 shtator 2024, se ai vetë i kishte dorëzuar materialet e Komisionit Hetimor pranë Prokurorisë së Posaçme (SPAK).
Gjatë ditës së djeshme, mediat emetuan vendimin e Prokurorisë së Tiranës për marrjen si të pandehur të Drejtorit të Departamentit të IT në Policinë e Shtetit, Ervin Muça, një zhvillim që të bën të dyshosh se SPAK nuk është angazhuar me këtë çështje sepse nuk i ka mbërritur kurrë ndonjë kallëzim.
Zyrtarisht Prokuroria e Posaçme (SPAK) konfirmoi, mëngjesin e sotëm, se për çështjen e TIMS, në sekretarinë e saj nuk është dorëzuar asnjë kallëzim.
Vjedhja e të dhënave të TIMS u krye nga njerëz me precedentë penalë, të cilët me urgjencë u katapultuan si drejtorë, në majë të Policisë së Shtetit, me urdhër të ministrave Çuçi dhe Balla si dhe me firmën e ish-Drejtorit të Përgjithshëm.
U premtoj shqiptarëve që kallëzimi penal për skandalin e TIMS, ku përfshihen dy ish-ministriat e Brendshëm dhe të tjerët, do të dërgohet në sekretarinë e SPAK-ut brenda një jave.
Boll me krim pa ndëshkim!
Boll me pazare në kurriz të shqiptarëve!/ CNA