web counter
LEXO PA REKLAMA!

SHKARKO APP

App Store
Google Play

E fundit!

x

Llazar Zai Fundo përkujtohet në Korçë/ Ceremoni në Katedralen "Ngjallja e Krishtit"

27 Nëntor 2025, 11:28, Aktualitet CNA

Në Katedralen "Ngjallja e Krishtit" në Korçë u mbajt sot një ceremoni përkujtimore në nder të Llazar Zai Fundos, në 81-vjetorin e ndarjes së tij nga jeta.

Të afërm, familjarë dhe besimtarë u mblodhën për të kujtuar jetën dhe figurën e tij, ndërsa u ndezën qirinj në shenjë respekti. Gjatë meshës, familja e përkujtoi Llazar Zai Fundon si një njeri me bindje të forta dhe ideale që, sipas tyre, kanë qenë të guximshme për kohën.

Mbesa e tij, Elisaveta Fundo Poçari, ndau emocionet dhe reflektimet e saj për figurën e xhaxhait që nuk e kishte njohur kurrë, por për të cilin është informuar më shumë në vitet e fundit. Ajo shprehu keqardhjen që familja ka jetuar për dekada me stigmatizimet e kohës, ndërsa sot ndihen më pranë kujtimit dhe historisë së tij.

Llazar Zai Fundo përkujtohet në Korçë/ Ceremoni në

"Sot ne përkujtuam xhaxhain tonë, Llazar Zai Fundon. Llazari ka 81-vjetorin e ndarjes nga jeta. Unë kam 82-vjetorin e lindjes dhe nuk e kam njohur kurrë këtë xhaxha. Më vjen shumë keq se ndoshta dhe unë, siç thonë gjyshet tona, mund të kem hyrë në gjynah, e kuptoni përse, se edhe ne nuk na vinte mirë për ato gjëra që thuheshin. Unë mësova shumë gjëra në këtë kohë për këtë xhaxha që nuk e kam njohur e nuk më ka njohur. Ai ishte me mendime ndoshta të drejta për atë kohë, por për të tjerët mund të ishte gabim. Nuk më vjen mirë që për një xhaxha, për një gjysh, për një stërgjysh, për një dajë, për një vëlla, për një nip apo mbesë, të vuajë brezi i mëposhtëm, nip apo stërnip. Zai ishte për një Europë të bashkuar dhe do Zoti ne hyjmë sa më parë në Europën e bashkuar", u shpreh Elisaveta Fundo Poçari.

Në ceremoninë përkujtimore u theksua se familja ka vuajtur gjatë nga barra morale e ngjarjeve të së kaluarës, ndërsa brezi i sotëm po përpiqet të njohë më thellë rrënjët e veta dhe figurat e familjes.

Llazar Zai Fundo përkujtohet në Korçë/ Ceremoni në

"Ne për 81 vjet e kemi ndier vdekjen e tij, në shtëpi nuk flitej shumë në atë kohë, por në kohën e demokracisë mësuam më shumë gjëra. Mua më vjen shumë keq. Shkova në varreza, i ndeza një qiri dhe sot më duket sikur ai është varrosur së shpejti e ne po i bëjmë një përkujtimore. I përjetshëm qoftë kujtimi i tij!"

Ceremonia u mbyll me lutje dhe homazhe, ndërsa të pranishmit nënvizuan se kujtimi i Llazar Zai Fundos do të mbetet i gjallë mes familjarëve dhe komunitetit. Llazar Zai Fundo ishte një nga figurat më të veçanta dhe më të debatueshme të historisë shqiptare të fillimshekullit XX.

Ai ishte një nga përfaqësuesit e parë të lëvizjes së majtë shqiptare, i angazhuar fillimisht me idetë komuniste, por më pas u distancua prej tyre duke u shndërruar në një prej kritikëve më të hershëm të stalinizmit.

Llazar Zai Fundo përkujtohet në Korçë/ Ceremoni në

Ai u përfshi në lëvizjet demokratike dhe revolucionare të kohës, duke u bërë pjesë e debatit ndërkombëtar mbi drejtimet që po merrte komunizmi. Sot, Llazar Fundo konsiderohet një nga zërat më interesantë dhe më kompleksë të historisë politike shqiptare, ndërsa vlerësimi për të vazhdon të rritet me rindërtimin e kujtesës historike të viteve të shkuara.





Lajmet e fundit nga