web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet seanca në GJKKO për dosjen “5D”/ Zbulohet arsyeja

27 Nëntor 2025, 11:17, Aktualitet CNA

 Shtyhet seanca në GJKKO për dosjen “5D”/ Zbulohet arsyeja

Gjykata e Posaçme ka shtyrë për në datën 10 dhjetor në orën 09:30, seancën për dosjen “5D”. Sipas raportimeve, shkak për shtyrjen e seancës është bërë mungesa e Redi Mollës dhe avokatëve të tij.

Kujtojmë se Apeli i GJKKO-së e ka zbutur masën e sigurisë për Mollën duke e lënë nga arrest në burg në arrest shtëpie. Redi Molla u arrestua në kuadër të hetimeve për dosjen "5D". Nga hetimet e SPAK-ut ka rezultuar se Redi Molla dhe Mariglen Qato janë ortakët e vërtetë dhe pronarët “de facto” të shoqërisë “5D Konstruksion” sh.p.k., duke përfituar një sërë tenderësh.

Molla dhe Qato e kanë zotëruar këtë shoqëri tregtare në mënyrë indirekte, duke përdorur persona të tjerë, shtetasit E.M., M.P. dhe N.M., si ortakë fiktivë në aktet e regjistrimit dhe funksionimit të shoqërisë, me të cilët ortakët e vërtetë të shoqërisë kanë pasur lidhje shoqërore dhe lidhje miqësore.

Redi Molla ka mbajtur postin si drejtori i Përgjithshëm i shoqërisë “Ujësjellës Kanalizime Tiranë”, shoqëria tregtare “Igor Elektrik” e njëjtë me “V.A.S Konstruksion”, njëjtë me “5D Konstruksion” sh.p.k., ka marrë pjesë dhe është shpallur fituese në shkelje të rregullave të prokurimit publik në 7 (shtatë) procedura prokurimi, të realizuara nga autoriteti kontraktor “Ujësjellës Kanalizime Tiranë” sh.a. Ai akuzohet për korrupsion pasiv, pastrim parash dhe mosdeklarim të pasurisë. /CNA





Lajmet e fundit nga