web counter
LEXO PA REKLAMA!

SHKARKO APP

App Store
Google Play

Linjë kabllore nënujore Shqipëri-Egjipti/ Balluku: Do të bëhemi nyje e ndërlidhjes ndërkontinentale

5 Shkurt 2024, 13:00, Aktualitet CNA
Linjë kabllore nënujore Shqipëri-Egjipti/ Balluku: Do të
Zv.kryeministrja, njëherazi ministrja e Infrastrukturës dhe Energjisë, Belinda Balluku

Këtë të hënë është nënshkruar marrëveshje mirëkuptimi me kompaninë 4iG, për ndërtimin e një linje kabllore direkte nënujore midis Shqipërisë dhe Egjiptit.

Zv.kryeministrja, njëherazi ministrja e Infrastrukturës dhe Energjisë, Belinda Balluku, e cilësoi ndërtimin e linjës si një projekt strategjik dhe inovativ.

Sipas saj, ky projekt e kthen Shqipërinë në një nyje të ndërlidhjes ndërkontinentale.

“Si sistem i parë që lidh dy vendet, rruga e planifikuar e linjave nënujore në Mesdhe do të jetë unike duke shtuar diversitetin e rrugëve digjitale, që lidhin Mesdheun në mënyrë tradicionale si ato që lidhin Egjiptin me Francën, me Italinë, duke dhënë kështu një mundësi të tretë. Ky sistem do të zotërojë një pjesë të konsiderueshme të tregut të madh dhe të zhvillimit të trafikut të të dhënave mes Azisë, Lindjes së Afërt dhe padyshim të Evropës”, shpjegoi ministrja Balluku në fjalën e saj, teksa tha ndër të tjera se investimi vlerësohet në vlerën 100 deri në 115 milionë euro.

Ministrja paralajmëroi se projekti do të jetë një tjetër sukses i radhës.

“Këto projekte që kemi zhvilluar dhe ato të rejat, si ajo sot mes Shqipërisë dhe Egjiptit, do të jenë një tjetër sukses i radhës. Kjo për shkak të seriozitetit të projektit”, theksoi Balluku./ CNA





Lajmet e fundit nga