web counter
LEXO PA REKLAMA!

SHKARKO APP

App Store
Google Play

Lapaj u përgjigjet sulmeve të Kokalarit/ “Nuk merrem me të, se nuk e konsideroj”

10 Tetor 2023, 16:34, Aktualitet CNA
Lapaj u përgjigjet sulmeve të Kokalarit/ “Nuk merrem me të,
Adriatik Lapaj

Pas sulmeve kundër PD-së, FRPD-së, duket se shënjestra e radhës e Evi Angelakis, Evis Kokalari apo Evi Kokalarit është Adriatik Lapaj dhe lëvizja e tij “Shqipëria bëhet”.

Në deklaratat apo postimet e saj, ajo e sulmon duke thënë se kjo lëvizje nuk është transparente me fondet e saj.

Këtyre sulmeve u është përgjigjur themeluesi i lëvizjes “Shqipëria bëhet”, Adriatik Lapaj.  

Gjatë një interviste në "Euronews", Lapaj u shpreh se të gjitha shpenzimet janë me faturë dhe në rast se ka ndonjë paqartësi për të ardhurat e tij t’i adresojë zyrtarisht.

Ndër të tjera Lapaj theksoi se nuk merret më me Kokalarin pasi nuk e konsideron.

 “Ky është një bashkim njerëzish, profesionistësh, të cilët janë të realizuar në fushat e tyre. Deri më tani kjo lëvizje është mbajtur me vetëfinancimet e themeluesve. Ky është momenti i parë, gjatë kësaj jave ne do të publikojmë web-in, në organe zyrtare, ku do të jetë edhe mundësia e financimit nga palë të treta.

Deri më tani lëvizja është mbajtur me financimet e themeluesve. Nëse zonja Kokalari ka ndonjë paqartësi për të ardhurat e mia apo të themeluesve të tjerë t'i adresojë zyrtarisht, janë të gjitha me fatura. Qenka shqetësuar shumë zonja Kokalari për aftësinë tonë paguese të zyrave, nuk shqetësohet se ku shkojnë 6 miliardë euro në vit buxhet i shtetit shqiptar.

Unë nuk merrem më me zonjën Kokalari se nuk e konsideroj. Unë s’mund të them më shumë janë lekët e mia, të Gysit, të Edlirës, të Florit. Mund të them më shumë se kaq? Janë harxhuar kostot e zyrave, që janë më shumë se ç’tha ajo. Janë 2800 euro qiratë e zyrave të 'Shqipëria Bëhet', të paguara me bankë."

I pyetur nëse ka mbështetjen e amerikanëve, Lapaj tha se këtë gjë ai nuk e ka përmendur në asnjë moment. Ndërkohë për pretendimet e Evi Kokalarit se ai shtiret duke pretenduar se ka Amerikën pas vetes, Lapaj tha:

“Shtirem unë! Ku e keni dëgjuar, më gjeni një sekuencë kur e kam thënë?! Unë nuk merrem me ëndrrat e njerëzve. Unë nuk e kam pretenduar ndonjëherë. Unë besoj fort se Shqipëria bëhet nga shqiptarët, ose zhbëhet nga shqiptarët”, tha Adriatik Lapaj./ CNA





Lajmet e fundit nga