web counter
LEXO PA REKLAMA!

SHKARKO APP

App Store
Google Play

Izraeli në luftë, 11 shqiptarë rikthehen në atdhe

10 Tetor 2023, 11:56, Aktualitet CNA

 

Izraeli në luftë, 11 shqiptarë rikthehen në atdhe

11 shtetas shqiptarë kanë udhëtuar mëngjesin e së martës nga Izraeli për në Shqipëri përmes një fluturimi të organizuar nga Mali i Zi. Ministria e Jashtme shqiptare bën me dije se po përpiqet për t'u ardhur në ndihmë të gjithë shqiptarëve që ndodhen në Izrael. 

 

"11 shtetas shqiptarë kanë udhëtuar në orët e para të mëngjesit të sotëm nga Izraeli për në Shqipëri përmes një fluturimi të organizuar nga Mali i Zi. Ministria për Evropën dhe Punët e Jashtme vijon të shohë të gjitha mundësitë dhe është në kontakt edhe me ministritë e vendeve të tjera të rajonit për t’u ardhur në ndihmë të gjithë qytetarëve që kërkojnë të kthehen në vendet e tyre", thuhet në njoftimin e ministrisë.

Luftimet vijojnë

Izraeli ka siguruar kufirin me Gazën pasi militantët e Hamasit depërtuan përmes barrierës në shumë zona të shtunën.

Sulmet nuk u ndalën as gjatë natës, ndërsa Izraeli ka konfirmuar se deri më tani ka më shumë se 900 viktima. Nga ana tjetër, plestinezët thonë se kanë humbur jetën rreth 690 persona. Ushtria izraelite bën të ditur se ka gjetur trupat e 1500 militantëve të Hamasit në Izrael dhe rreth Rripit të Gazës Ushtria po ashtu këshilloi njerëzit në Gaza të largohen përmes vendkalimit të kontrolluar nga Egjipti - por më vonë sqaroi se kalimi është i mbyllur. Ushtria shtoi se evakuimi i të gjitha komuniteteve izraelite pranë Rripit të Gazës ishte pothuajse i plotë. Forcat Ajrore të Izraelit pretendojnë se kanë goditur 200 objektiva të Hamasit dhe grupeve të tjera militante në Gaza me sulme ajrore gjatë natës./CNA

 

 

 





Lajmet e fundit nga