web counter
LEXO PA REKLAMA!

SHKARKO APP

App Store
Google Play

Kuvendi mblidhet në seancë plenare, në fokus klima e investimeve dhe integrimi në BE

14 Maj 2026, 08:13, Aktualitet CNA

Kuvendi mblidhet në seancë plenare, në fokus klima e investimeve

Kuvendi i Shqipërisë do të zhvillojë seancën plenare sipas rendit të ditës të përcaktuar në urdhrin nr. 31, datë 12 maj 2026. Në qendër të diskutimeve pritet të jenë klima e investimeve në vend, procesi i integrimit europian, si dhe një seri interpelancash me anëtarë të kabinetit qeveritar.

Pika kryesore e rendit të ditës është mocioni me debat për problematikat e evidentuara në raportin vjetor të Departamentit Amerikan të Shtetit për klimën e investimeve në Shqipëri, si edhe në progresraportin e Komisioni Evropian.

Në vijim, Kuvendi do të shqyrtojë edhe projektrezolutën “Për procesin e anëtarësimit të Republikës së Shqipërisë në Bashkimin Evropian”, e cila do të miratohet me shumicë të thjeshtë votash.

Një pjesë e rëndësishme e seancës do t’i kushtohet interpelancave me anëtarët e qeverisë. Deputeti Tritan Shehu ka kërkuar interpelancë me kryeministrin Edi Rama.

Po ashtu, interpelanca do të zhvillohen edhe me zëvendëskryeministren Albana Koçiu, ministrin e Financave Petrit Malaj, ministrin e Shtetit për Pushtetin Vendor Ervin Demo, si dhe ministrin e Brendshëm Besfort Lamallari./ CNA





Lajmet e fundit nga