E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Kokonozi kujton episodin me gazetarin: Raportonte në zyrë kundër "Lëvizjes studentore", sot drejton emision në televizion

10 Dhjetor 2022, 08:31, Aktualitet CNA

Kokonozi kujton episodin me gazetarin: Raportonte në zyrë kundër

Gazetari Dashnor Kokonozi

Gazetari dhe shkrimtari Dashnor Kokonozi rrëfen një nga bisedat e tij me drejtorin e radios, Thimi Nika, në kohën ku sapo kishte nisur Lëvizja studentore e Dhjetorit 1990.

Ai tregon se në atë kohë një gazetar kishte raportuar kundër lëvizjes në zyrën e drejtorit të përgjithshëm duke thënë se manifestimet e protestës në Qytetin e studentëve ishin lëvizje armiqësore kundër Partisë.

Teksa ka vizituar Tiranën pak ditë më parë, ka hasur sërish në të njëjtin gazetar që dikur raportone në zyrën kundër Lëvizjes Studentore, e sot ende drejton një emision televiziv në "RTSH".

Kokonozi shkruan se nuk po e risjell këtë episod si çështje politike por morali, pasi ka shumë gazetarë dhe regjisorë që rrezikuan dhe kanë mbetur në rrugë të madhe pas asaj periudhe.

“Pak ditë pasi kishte filluar Lëvizja e studentëve të dhjetorit 1990, isha duke biseduar me drejtorin e Radios Thimi Nika, në një nga korridoret e saj.

Tamam atë çast, aty pari kaloi një gazetar që nxitonte tutje me kokën ulur dhe krifën e tij që i tundej në erë. Thimi pushoi së foluri.

- E sheh këtë, më tha, pastaj. - dje i kishte shkuar me vrap Sefedin Çelës (drejtorit të përgjithshëm), në zyrë, i kishte mbyllur derën nga pas dhe i kërkoi të merrte menjëherë në telefon Ramiz Alinë që ta njoftonte se manifestimet e protestës në Qytetin e studentêve ishin lëvizje armiqësore, që drejtoheshin kundër Partisë. Ai sapo kishte ardhur prej andej dhe e kishte parë me sytë e tij një gjë të tillë.

Sefedin Çela, me atë natyrën e tij të butë, kishte bërë si kishte mundur dhe e kishte përcjellë jashtë, duke i lënë të kuptonte se një gjë e tillë nuk ishte puna e tij.

Pse e them këtë ?

Gjatë vizitës sime të para disa ditëve në Tiranë, në një ekran kafeje, u pataksa kur sytë më zunë këtë personin në fjalë, që sot e kësaj dite drejtonte një emission televiziv në RTSH!!!

Nuk e sjell këtë episod të trishtë si çështje politike, por morali.

Kur mendoj se sa gazetarë dhe regjisorë me kontribut e që rrezikuan dhe pastaj u gjenden në rrugë të madhe...”, shkruan Dashnor Kokonozi./ CNA.al