E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Klubi Tirana, 4.2 milionë euro borxhe lojtarëve

1 Gusht 2024, 16:04, Aktualitet CNA

Klubi Tirana, 4.2 milionë euro borxhe lojtarëve

Refik Halili

Klubi i Futbollit Tirana dhe Presidenti i tij, Refik Halili, kanë përfunduar në gjyq, nën akuzën për fshehje të ardhurash.

Prokuroria e Tiranës njoftoi këtë të enjte se ka dyshime se janë fshehur rreth 52 mln lekë të ardhura përgjatë dy sezoneve futbollistike, si dhe nuk janë deklaruar listëpagesat e sigurimeve shoqërore dhe shëndetësore të lojtarëve.

Gazetari Arsen Rusta ka zbardhur detaje nga dosja hetimore, ku thuhet se përveç evazionit fiskal, klubi Tirana ka borxh të lartë ndaj lojtarëve.

Në dosjen hetimore thuhet se borxhi kap shifrën e 4.2 milionë eurove.

“E gjithë shuma duke mbledhur taksat, energjinë elektrike, ujësjellësi, pagesat e futbollistëve, gjyqet e humbura, me përafërsi borxhi në total është një vlerë e konsiderueshme 4.2 milionë euro. Për këtë shumë që ka deklaruar disponon vendimet e gjykatës si dhe shkresat e përmbaruesve, të cilat kur është emëruar administrator në vitin 2015 kanë qenë të bllokuara. Pyetje: Nga rezultatet e nxjerra nga Raport Kontrolli i kryer nga Drejtoria Rajonale Tiranë i mbajtur më dat 08.06.2018 si dhe nga Akt-Ekspertimi kontabël ka rezultuar që për periudhën 2013-2016 vlera e fshehjes së të ardhurave të tatim fitimit është 22.494.101 lekë, ai i është përgjigjur se Klubin e Futbollit Tirana e ka marrë në administrim në maj 2015, dhe për vitet e mëparshme mbajnë përgjegjësi personat që kanë qenë më parë administrator nga Bashkia Tiranë. Pyetjes se nga përgjigjet e ardhura nga Federata Shqiptare e Futbollit ka rezultuar se për sezonin fubollistik 2014-2015 janë federuar 29 futbollistë dhe për sezonin 2015-2016 federuar 26 futbollistë. Nga konkluzioni i akt-ekspertimit rezulton që mos të jetë deklaruar asnjë fubollist në organin tatimor, ku për periudhën 2014-2016 vlera totale e detyrimeve për kontributet e sigurimeve shoqërore dhe shëndetësore rezulton vlerën 29.481.644 lekë, arsyet që nuk janë deklaruar futbollistët në organin tatimor”, thuhet ndër të tjera në dosje./ CNA