web counter
LEXO PA REKLAMA!

SHKARKO APP

App Store
Google Play

Klodjan Braho në krye të SPAK-ut/ Rama: Kam besim, profesionalizëm në luftën kundër korrupsionit

14 Dhjetor 2025, 09:57, Aktualitet CNA

Klodjan Braho në krye të SPAK-ut/ Rama: Kam besim,

Kryeministri Edi Rama ka ndarë nje mesazh lidhur me zgjedhjen e kreut të ri të Prokurorisë së Posaçme, Klodjan Braho.

Në fjalën e tij në podcastin “Flasim”, Rama tha se beson që përmes përvojës dhe profesionalizmit të deritanishëm në drejtimin e SPAK-ut, të vijohet në të njëjtën rrugë në luftën kundër korrupsionit, lidhur me çështje që nuk janë shqetësuese vetëm për qeverinë, por edhe median dhe gjithë vendin.

 “Kryeprokurorit të ri Klodjan Braho, i uroj ta çojë SPAK-un në këtë trevjeçar të fundit të ciklit nëntëvjeçar, në një nivel tjetër për sa i takon profesionalizmit në luftën kundër krimit të organizuar, e sidomos në luftën kundër korrupsionit, e cila nuk mund të konsiderohet e përmbushur plotësisht me sukses, nga ana e atij institucioni, nëse maskohet me statistika të nxjerra nga “thesi i madh” siç quhet neni i mjegullt i shpërdorimit të detyrës, për të cilin sapo ka dalë edhe një direktive e re e BE-se, pikërisht për të reflektuar mbi shqetësime që nuk janë vetëm tonat  apo me lojra mediatike te llojit Big Brother, me transkripte telefonash te nxjerra në shkelje të ligjit nga dosjet hetimore, për të cilat po ashtu BE-ja ka korniza shumë strikte ligjore. Kam shumë besim se eksperienca e gjashtë viteve, arritjet e padiskutueshme, si edhe mundësisht modestia e domosdoshme për të parë me sy vetëkritik punën e deritanishme, mund ta çojnë SPAK-un në nivelin ku duhet të jetë tre vjet nga sot”,- u shpreh kryeministri./CNA





Lajmet e fundit nga