web counter
LEXO PA REKLAMA!

SHKARKO APP

App Store
Google Play

Ja sa makina elektrike ka Shqipëria, qyteti që kryeson

10 Mars 2026, 13:28, Sociale CNA

Ja sa makina elektrike ka Shqipëria, qyteti që kryeson

Sipas të dhënave, në Shqipëri qarkullojnë 12,772 makina elektrike. Vetëm në kryeqytet dhe zonat përreth, përfshirë Kamzën dhe Vorën, qarkullojnë 9562 mjete elektrike. Pra, mbi 70% e tyre qarkullojnë në kryeqytet.

Këto makina funksionojnë vetëm me energji elektrike dhe nuk kanë motor me benzinë apo naftë, por funksionojnë duke u karikuar në stacione karikimi.

Ekzistojnë disa lloje makinash elektrike, ndër të cilat veçohen:

Makina plotësisht elektrike (BEV): Avanatazhi i këtij lloji është se nuk prodhojnë gazra ndotës dhe kanë kosto më të ulët përdorimi.

Shembuj: BEV nga Tesla, Nissan Leaf, Volkswagen ID.

Makina hibride (HEV): Këto përdorin një kombinim të motorit elektrik dhe motorit me karburant. Bateria karikohet automatikisht gjatë frenimit dhe nga motori me karburant, pa pasur nevojë për karikim në prizë.

Makina hibride të karikueshme (PHEV): Janë të ngjashme me llojet hibride, por bateria e tyre mund të karikohet edhe në prizë. Mund të bëjnë disa kilometra vetëm me energji elektrike para se të përdorin motorin me karburant.

Makina me qeliza karburanti hidrogjeni (FCEV): Këto makina prodhojnë energji elektrike nga hidrogjeni dhe emetimi i vetëm është ujë. Janë shumë ekologjike, por infrastruktura është ende e kufizuar për këtë lloj mjeti.

Një nga arsyet kryesore të interesit për këto automjete është kostoja më e ulët e mirëmbajtjes dhe karburantit, pasi energjia elektrike rezulton më e lirë në çmim krahasuar me naftën apo benzinën. Përveç kësaj, makinat elektrike krijojnë më pak zhurmë dhe nuk lëshojnë gazra ndotës gjatë përdorimit.

Në Tiranë kanë filluar të shtohen edhe pikat e karikimit për automjetet elektrike, të vendosura në disa zona publike, në afërsi të qendrave tregtare dhe pranë parkingjeve./CNA





Lajmet e fundit nga