web counter
LEXO PA REKLAMA!

SHKARKO APP

App Store
Google Play

Avokati i Pëllumb Gjokës kundërshton vendimin/ Mbajtja në burg gjatë hetimit nuk është standard

31 Gusht 2023, 10:51, Aktualitet CNA

Avokati i Pëllumb Gjokës kundërshton vendimin/ Mbajtja në

Ish-ministri i Drejtësisë, Ylli Manjani, avokat i biznesmenit Pëllumb Gjoka, një ndër të arrestuarit e “Metamorfozës”, është shprehur sot se drejtësia nuk po ushtron një standard të drejtë.

Gjatë një deklarate për mediat pas senacës në Apelin e GJKKO-së ku u vendos lënia në fuqi e masës së sigurisë “Arrest me burg” për 5 të arrestuarit e “Metamorfozës”, Manjani u shpreh se drejtësia duhet të vijojë hetimet, por nuk ka përse të mbajë në burg klientin e tij, ndërsa shtoi se “nuk është parë asgjë akoma” nga drejtësia.

“Drejtësia nëse do të hetojë le të hetojë, mbajtja në burg gjatë hetimit nuk është standard. Me këtë standard nuk keni parë gjë akoma. Nuk ka prova. Nuk bëj dot teori konspiracioni, nuk i ushqej dot konspiracionistët me teori. Atë që nuk keni parë akoma është standardi i ulët i marrjes në përgjegjësi penale. Për shkak të këtij standardi shprehja e shokut Enver të gjithë në ushtri, do bëhet të gjithë në burg”, u shpreh Manjani./CNA

 

Kujtojmë se mbi biznesmenin Pëllumb Gjoka rëndojnë akuzat: “Vrasja me paramendim”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”. Më datë 09.08.2020, në qytetin e Shkodrës, është vrarë shtetasi Gjin Ndojit alias Gjin Boriçi;

-“Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Pjesëmarrje në grup të strukturuar kriminal” (në dëm të shtetasit Kleant Musabelliu);

-“Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Pjesëmarrje në grup të strukturuar kriminal” (në dëm të shtetasve Dorjan Duli dhe Ibrahim Licit);

-“Korrupsion aktiv i gjyqtarit, prokurorit dhe i funksionarëve të tjerë të drejtësisë”, kryer në bashkëpunim;

-“Mbajtja pa leje dhe prodhimi i armëve, armëve shpërthyese dhe municionit”, kryer në bashkëpunim, në formën e grupit të strukturuar kriminal.

Mbi Edmond Prekën rëndojnë akuzat “Vrasje me paramendim”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, “Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal”, “Mbajtja pa leje dhe prodhimi i armëve, armëve shpërthyese dhe municionit”, kryer në bashkëpunim në formën e grupit të strukturuar kriminal”;

Mbi Astmer Bilalin rëndojnë akuzat si i dyshuar për veprat penale “Sigurimi i kushteve dhe i mjeteve materiale për të kryer vrasje”, kryer në bashkëpunim të veçantë atë të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal”.

Mbi Ardrit Hasanbegajn rëndojnë akuzat “Sigurimi i kushteve dhe i mjeteve materiale për të kryer vrasje”, kryer në formë të veçantë te bashkepunimit, ate të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal”.

Mbi Oltian Bistrin, rëndojnë akuzat si i dyshuar për veprat penale “Shpërdorimi i detyrës” dhe “Zbulimi i akteve ose te dhenave sekrete”;

Mbi ish-prokurorin Xhevahir Lita rëndojnë akuzat “Korrupsioni pasiv i gjyqtarëve, prokurorëve dhe funksionarëve të tjerë të organëve të drejtësise”, kryer dy herë dhe “Grup i strukturuar kriminal."

 

 

 

 

 

 





Lajmet e fundit nga