web counter
LEXO PA REKLAMA!

SHKARKO APP

App Store
Google Play

E fundit!

x

Intrigat në Bashkinë e Tiranës / Sejamini: Paradoksi, mblidhen vartësit i dërgojnë vendime shefit

20 Mars 2025, 21:57, Aktualitet CNA

Intrigat në Bashkinë e Tiranës / Sejamini: Paradoksi, mblidhen

Analisti Neritan Sejamini i ftuar në emisionin Opinion me gazetarin Blendi Fevziu ka analizuar krizën në Bashkinë e Tiranës të dalë në pah me shkresën e dy ditëve më parë ku kryebashkiaku Erion Veliaj delegonte Sara Goxhajn si kryetare.

Sejamini tha se në Bashkinë e Tiranës befas u krijua një intrigë pallati pasi Veliaj ka tentuar të delegonte një person të besuar duke qenë se Anuela Ristani është e besuara e kryeministrit Edi Rama.

Analisti tha se Veliaj humbi minipushtetin e tij sepse pushteti mbi stafin e Bashkisë Tiranë tani është zero.

 

"Dy nënkryetare bashkie, të dyja të zgjedhura nga Veliaj. Befas krijohet një moment, intrigë pallati do i quante Kadareja këto.

Zonja Ristani është më e afërt me zotin Rama dhe ka marrë urdhra nga zoti Rama. Zoti Veliaj ka tentuar që të kishte një person të besuar që të merrte prapë nën kontroll bashkinë, në mos kontroll, një farë ndikimi, të pyetej. Sot ai nuk është më as kryetar bashkie, de facto! Karriera politike mbaroi që ditën që u izolua dhe zoti Rama ftoi të gjithë shqiptarët në shesh për ta përcjellë me nderime politikisht. De jure është kryetar, çdo njeri në bashkinë e Tiranës e di që ka vetëm një shef, urdhrin që mund të japë zoti Veliaj nuk ka njeri në bashki që mund ta zbatojë! Pushteti i tij mbi stafin është 0! Dhe ky është paradoksi, se kryetari është i zgjedhur, të gjithë të tjerët janë staf.

Atij i është marrë minipushteti, ai minipushtet nuk ekziston më. Sot, kanë marrë vesh që zoti Veliaj nuk mund të dëgjohet nga askush! Dhe po ta vësh re te deklarata, ka një problem…Thotë nuk ishte dakordësuar midis stafit, pse stafi jep urdhër zotit Veliaj se kë vendos ai?! Pse stafi vendos vendimet politike të zotit Veliaj?! Ekipi drejtues është Veliaj, stafi janë këta. A mund të mblidhen vartësit dhe t’i çojnë vendimet shefit", tha Sejamini/CNA





Lajmet e fundit nga