web counter
LEXO PA REKLAMA!

SHKARKO APP

App Store
Google Play

E fundit!

x

IGJEUM: Reshje me intensitet të lartë, rrezik i shtuar për përmbytje

9 Janar 2026, 15:29, Aktualitet CNA

IGJEUM: Reshje me intensitet të lartë, rrezik i shtuar për

Instituti i Gjeoshkencave ka ndarë një parashikim lidhur me kushtet e motit, teksa theksohet se sot pasdite dhe nesër do të ketë reshje me intensitet të lartë.

Në qarqet Shkodër, Kukës, Dibër, Lezhë, Durrës, Tiranë, Elbasan, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve.

Sipas llogaritjeve hidrologjike, si rezultat i reshjeve me intensitet të lartë dhe nesër pritet një rritje e prurjeve dhe niveleve në lumenjtë Mat, Ishëm, Erzen, Shkumbin dhe Seman.

Rrezik të shtuar për përmbytje, në vazhdim të ditës së sotme dhe nesër, do të kenë lumi Vjosë, lumi Drin-Buna dhe Liqeni i Shkodrës.

Dëbora dhe ngrica:

Reshjet e dëborës pritet të përfshijnë zonat në Veri, Lindje dhe Juglindje në territorit. Reshjet e dëborës të pasuara nga ulja e ndjeshme e temperaturave dhe ngricat mund të krijojnë probleme të ndryshme dhe vështirësi në transportin rrugor.

Reshjet:

Sot pasdite dhe nesër në qarqet Shkodër, Kukës, Dibër, Lezhë, Durrës, Tiranë, Elbasan, Vlorë dhe Gjirokastër priten reshje intensive, ndërsa në qarqet e tjera priten reshje mesatare. Reshjet priten të shoqërohen me shtrëngata.

Në Veri, Lindje dhe Juglindje në lartësitë mbi 600 m nga niveli i detit reshjet do të jenë në formë dëbore.

Temperatura:

Nesër temperaturat minimale dhe maksimale të ajrit pritet të arrijnë:

në bregdet: 7 / 14 °C

në vendet e ulëta: 6 / 13 °C

në vendet malore: -1 / 7 °C

Era:

Sot pasdite dhe nesër era pritet të fryjë mesatare deri e fortë në bregdet dhe në zonat malore.

IGJEUM: Reshje me intensitet të lartë, rrezik i shtuar për





Lajmet e fundit nga