web counter
LEXO PA REKLAMA!

SHKARKO APP

App Store
Google Play

E fundit!

x

Përmbytjet/ Malaj: Janë parashikuar 30 milionë euro për Emergjencat Civile, ja si ndahen

9 Janar 2026, 09:21, Aktualitet CNA

Përmbytjet/ Malaj: Janë parashikuar 30 milionë euro për

Ministri i Financave, Petrit Malaj ka bërë me dije se për Emergjencat Civile është parashikuar një fond prej 30 milionë eurosh që është ndarë në disa kapitale.

Sipas Malajt 15 milionë euro janë për dëmshpërblim për shkak të përmbytjeve, 10 milionë euro janë për Emergjencat Civile dhe 5 milionë euro janë për sigurimin e digave dhe rezervuarëve.

Ndërsa në total për situatën e krijuar nga përmbytjet është parashikuar një fond me mbi 50 milionë euro.

"Në programin e Emergjencave Civile kemi parashikuiar rreth 30 milionë euro të cilat janë të ndara në shpenzime kapitale për programin e Emergjencave Civile dhe ka të bëjë me financimin e objekteve apo projekte të cilat lidhen me parandalimin e fatkeqësive natyrore.

Vlera që kemi alokuar është rreth 15 mln euro. Kemi planifikuar edhe fondin e kushtëzuar që është rreth 10 milionë euro dhe është një transfertë e kushtëzuar që menaxhohet nga Ministria e Mbrojtjes dhe do të shpërndahet për njësitë e vetëqeverisjes vendore sipas një metodologjie mbështetur në hartën e riskut që po kryen kjo ministri.

Kemi edhe fondin rezervë të Këshillit të Ministrave në vlerën 25 milionë eurove që do të vihet në dispozicion në varësi edhe të vlerësimeve që do të bëhet nga strukturat përkatëse. Kemi fondin për degat dhe rezervuarët dhe lidhet me financimin e projekteve për sigurimin e digave e rezervuarëve. Ky fond është rreth 5 milionë euro. Vlera totale shkon mbi 50 milionë euro që janë të disponueshme për situatën e krijuar", tha Malaj. / CNA





Lajmet e fundit nga