web counter
LEXO PA REKLAMA!

SHKARKO APP

App Store
Google Play

"Kur ishte Veliaj në bashki përmbytej Tirana"/ Ironizon Kalaja: Sapo shkoi në Durrës, u përmbyt qyteti bashkë me burgun

8 Janar 2026, 22:01, Aktualitet CNA

"Kur ishte Veliaj në bashki përmbytej Tirana"/ Ironizon

Avokatja Adriana Kalaja ka folur mbrëmjen e sotme për përmbytjet masive në vend, ndërsa ka ironizuar edhe kryebashkiakun Erion Veliaj që ndodhet në paraburgimin e burgut të Durrësit.

E ftuar në emisionin “Të Paekspozuarit” në MCN TV tha se kur Veliaj ishte fizikisht në bashkinë e Tiranës përmbytej kryeqyteti çdo 2-3 muaj, ndërsa kur u burgos në Durrës u përmbyt dhe Durrësi bashkë me burgun.

"Mu kujtua gjithë këto ditë, sa ishte Erion Veliaj në krye të Bashkisë Tiranë fizikisht, na përmbytej Tirana çdo 2-3 muaj. Iku në Durrës, tani u përmbyt Durrësi bashkë me burgun”, tha Kalaja.

Më tej avokatja tha se vlerëson nisjen e hetimeve nga Prokuroria e Durrësit pasi dyshohet se Hidrovori i Durrësit nuk është funksional. 

“Vlerësoj nisjen e hetimeve kryesisht nga Prokuroria e Durrësit. Me 1 prill 2025, për pak mbushen 10 muaj, kam bërë kallëzim penal në SPAK. Brenda vitit 2025, u bënë 90 kallëzime.

Sot te protesta në Durrës, që duhet të ishte më e madhe dhe agresive, për mënyrën si grabiten dhe po i shkatërrohet investimi i jetës dhe kur del një ministër apo kryeministër, që tallen me këtë fatkeqësi. Duhet shpallur gjendja e jashtëzakonshme”, tha Kalaja. /CNA





Lajmet e fundit nga