web counter
LEXO PA REKLAMA!

SHKARKO APP

App Store
Google Play

E fundit!

x

ICE: 1874 emigrantë shqiptarë kanë marrë urdhër për t'u dëbuar nga SHBA-ja

31 Janar 2025, 13:50, Aktualitet CNA

ICE: 1874 emigrantë shqiptarë kanë marrë urdhër

Drejtoria e Emigracionit dhe Doganave në SHBA bën me dije numrin e emigrantëve shqiptarë të paligjshëm që kanë marrë urdhra përfundimtarë për t'u dëbuar nga SHBA-ja.

Sipas shifrave, në mesin e 1.4 milionë emigrantëve të paligjshëm, të cilët kanë marrë urdhra përfundimtarë për dëbim nga Drejtoria e Emigracionit dhe Doganave (ICE), janë edhe 1 mijë e 874 shqiptarë.

Kështu referojnë të dhënat e publikuara në nëntor 2024 nga "Fox News", duke cituar dokumentin zyrtar të ICE-së.

ICE: 1874 emigrantë shqiptarë kanë marrë urdhër

Sipas nenit 8 të Kodit të SHBA-së, ICE mund të largojë emigrantë nga Shtetet e Bashkuara, të cilët janë subjekt i urdhrave përfundimtarë për t'u larguar nga SHBA të lëshuar nga një gjykatës i emigracionit.

ICE punon për të larguar emigrantët e paligjshëm pa dokumente nga Shtetet e Bashkuara pasi t'u nënshtrohen urdhrave përfundimtarë të largimit në kohën e duhur.

Qeveria e SHBA-së beson se çdo vend është i detyruar të pranojë kthimin e qytetarëve dhe shtetasve të tij që nuk kanë të drejtë të qëndrojnë në Shtetet e Bashkuara.

Mungesa e bashkëpunimit nga qeveria e huaj vonon dhe në shumë raste pengon procesin e largimit.

SHBA u kërkon qeverive të huaja të ndërmarrin hapat e duhur për të konfirmuar shtetësinë e emigrantëve që dyshohet se janë shtetas të tyre, të cilat përfshijnë kryerjen e intervistave, lëshimit të dokumenteve të udhëtimit në kohën e duhur dhe pranimin fizik, kthimin e shtetasve të tyre me fluturime të planifikuara komerciale ose çarter në përputhje me udhëzimet e ICE dhe/ose të qeverisë së huaj.

Mungesa e bashkëpunimit nga vendet në pranimin e kthimit të shtetasve të tyre mund të çojë në klasifikimin e ICE-ve të këtyre vendeve si jo bashkëpunuese ose në rrezik të mospërputhjes.

ICE konsideron 15 vende si jo bashkëpunuese: Butani, Burma, Kuba, Republika Demokratike e Kongos, Eritrea, Etiopia, Hong Kongu, India, Irani, Laosi, Pakistani, Republika Popullore e Kinës, Rusia, Somalia dhe Venezuela.

ICE konsideron 11 vende si të rrezikuara për mosbashkëpunim: Bosnje-Hercegovina, Burkina Faso, Kamboxhia, Gaboni, Gambia, Iraku, Xhamajka, Nikaragua, Sudani i Jugut, Shën Lucia dhe Vietnami./ CNA





Lajmet e fundit nga