web counter
LEXO PA REKLAMA!

SHKARKO APP

App Store
Google Play

E fundit!

x

Goditje abuzimit me detyrën në Divjakë/ Prokuroria dërgon në gjyq tre zyrtarë të IMT-së

18 Prill 2026, 15:08, Aktualitet CNA

Goditje abuzimit me detyrën në Divjakë/ Prokuroria dërgon

Prokuroria e Fierit ka mbyllur hetimet dhe ka dërguar për gjykim kryeinspektorin dhe dy inspektorë të Inspektoratit të Mbrojtjes së Territorit në Bashkinë Divjakë. Zyrtarët akuzohen zyrtarisht për veprën penale të “Shpërdorimit të detyrës”, pas një hetimi që ka zbuluar dështimin e tyre sistematik në kontrollin e territorit.

Sipas organit të akuzës, gjatë hetimit të procedimit, rezultoi se këta funksionarë nuk kanë ushtruar përgjegjësitë ligjore në të paktën 31 raste të ndërtimeve pa leje. Këto raste ishin dërguar më parë në gjykatë dhe kishin marrë vendime të formës së prerë për fajësinë e ndërtuesve, por nga ana e IMT-së nuk ishte ndërmarrë asnjë veprim parandalues apo ndëshkimor sipas ligjit.

Hetimi ka provuar se edhe në ato raste kur janë konstatuar kundërvajtje administrative, zyrtarët kanë shmangur procedurat e rregullta që nisin me konstatimin dhe vijojnë me vendosjen e gjobës, prishjen e objektit dhe kallëzimin penal.

Për më tepër, neglizhenca e tyre ka qenë e qëllimshme edhe në vjeljen e gjobave, duke lejuar tejkalimin e afateve të parashkrimit. Ky veprim ka sjellë një dëm real dhe të drejtpërdrejtë në buxhetin e shtetit dhe të njësisë vendore, i cili për periudhën 2021–2022 llogaritet në vlerën e 11,170,000 lekëve./ CNA





Lajmet e fundit nga