web counter
LEXO PA REKLAMA!

SHKARKO APP

App Store
Google Play

E fundit!

x

Interesat erotike Salianji-Grida/ Berisha reagon për skenarët

18 Prill 2026, 12:35, Aktualitet CNA

CNA, përmes një shkrimi, zbërtheu skenarin e çiftit të video-skandalit erotik Ervin Salianji dhe Grida Duma, ku Babalja për interesat e tij përdor ekranin përmes Grida Dumës për karrierën e tij politike.

Sot në në një bashkëbisedim me ndjekësit, kreu i PD-së, Sali Berisha, foli për këta skenarë duke thënë se studiot televizive të kontrolluara nga Rama hapën emisionet e tyre me djegien e pallatit dhe nuk vunë përpara përgjegjësisë ndërtuesin, por opozitën se pse nuk ka reaguar.

Berisha u shpreh se kjo po bëhej për të fshehur dhe maskuar faktin se pallati që u dogj ishte një fasadë prej kashte dhe u hodhën akuza se opozita po bashkëpunonte për Fatmir Xhafajn ndaj dhe nuk kishte reaguar, në një kohë që ka pasur disa reagime nga selia, Parlamenti dhe vendngjarja për këtë çështje.

“Nuk duhet të lodhemi kurrë dhe të tërhiqemi dhe dekurajohemi nga mafia që mbron nga mëngjesi deri në darkë qeverinë. Nuk duhet të biem viktimë e qeverisë. Dy ditë më parë në Tiranë u dogj një pallat i famozit Armando Lilo dhe teksa pallati, fasada digjej si kashtë zjarrfikëset nuk hynin dot. Kjo ishte planimetria e firmosur nga Rama.

Të enjten studiot televizive të kontrolluara nga Rama hapën emisionet me djegien e pallatit, por jo për përgjegjësinë e atij që ndërtoi me fasadë kashte, por për opozitën, thanë pse opozita nuk reagoi në një kohë kur ne kishim mbireaguar me 10 deklarata nga selia, Parlamenti dhe para pallatit.

Duhej të fshihej dhe maskohej fakti që pallati u dogj se ishte fasadë kashte, duhet të dilte se opozita po bashkëpunonte me Fatmir Xhafajn. Askush s'e ka sulmuar Xhafajn sot sa Sali Berisha.

Ata donin të fajësonin opozitën për të mbrojtur lubinë që të dilte fitimtare”, tha Berisha./ CNA





Lajmet e fundit nga