web counter
LEXO PA REKLAMA!

SHKARKO APP

App Store
Google Play

Gjesti human i Gjergj Lucës/ Punëson gruan e verbër te Rozafa, thirrja për qytetarët

4 Tetor 2023, 17:41, Aktualitet CNA
Gjesti human i Gjergj Lucës/ Punëson gruan e verbër te Rozafa,
Sipërmarrësi Gjegj Luca dhe Adevija, gruaja që ka humbur shikimin

Sipërmarrësi Gjegj Luca ka punësuar në biznesin e tij një grua të verbër, e cila u paraqit te “Rozafa” për të kërkuar punë.

Adevija, e cila ka humbur shikimin, tha gjatë bashkëbisedimit se zyrën e Lucës e pa si një vend ku do t’i dëgohej zëri.

Ajo punon 5 orë në ditë në një qendër që ka hapur Bashkia e Elbasanit dhe te “Rozafa” do të punojë me kompjuter.

“Ja unë punoj me kompjuter. Çfarë të më kërkosh ti unë do shkruaj”, i tha ajo biznesmenit.

Ndërkohë, Luca i kërkoi që të fillojë punë nga e shtuna dhe dha një mesazh të rëndësishëm për të gjithë qytetarët.

“Adevija është një nga modelet më të mira të njerëzve, se si i ka humbur shikimi dhe po lufton me jetën, lufton përditë që të ketë mundësinë ta shohë nëpërmjet syve të shpirtit. Dhe unë dua t’i bëj një thirrje të gjithë atyre njerëzve nëpërmjet Adevijes, stop më me rrena, stop më me mashtrime, ato lekë që merrni nëpër Kempe, nëpër asistenca sociale janë lekë që duhet të shkojnë për prindërit që punojnë, që sakrifikojnë për fëmijët e tyre, te prindërit që duan t’i edukojnë fëmijët me punë. Është turp miq, është krim që ju merrni lekët si parazitë dhe si mashtruesa dhe bëni një dëm kaq të madh për vendin tonë.

Adevije të ruajt Zoti! E fitove vendin e punës, megjithëse intervistën e bëj unë se si gjithmonë flas shumë. Të ruajt Zoti!”, theksoi sipërmarrësi./ CNA





Lajmet e fundit nga