web counter
LEXO PA REKLAMA!

SHKARKO APP

App Store
Google Play

Qato emëron ish-efektivin e drogës në postin e rëndësishëm

4 Tetor 2023, 16:29, Aktualitet CNA

Qato emëron ish-efektivin e drogës në postin e

Sot me propozim të Drejtorit të Policisë Rrugore Altin Qato, Julian Balliu është emëruar shef në njësinë speciale të policisë rrugore për Autostradën Milot-Morinë.

Emri i Julian Balliut nuk është i panjohur për drejtësinë. Pak vite më parë ai është shpallur në kërkim pasi u kap duke bërë pazare droge.

Rasti u denoncua në emisionin investigativ “Fiks Fare”, ku Balliu u kap duke bërë pazare droge, ku ofronte kokainë për të kompensuar një shumë të konsiderueshme që e kishte marrë si ryshfet më parë.

Po në atë kohë, bëhet fjalë për vitin 2018, të paktën kur është bërë denoncimi në emisionin investigativ “Fiks Fare”, Krimet e Rënda e po e hetonin për një ngarkesë droge prej 2.5 ton hashash, e cila kaloi nga Porti i Durrësit dhe u kap në Ankona të Italisë.

Qato emëron ish-efektivin e drogës në postin e

Pas denoncimit  të rastit, Ministria e Brendshme ka reaguar duke e pezulluar nga detyra dhe duke shpallur në kërkim ish efektivin e policisë të implikuar në pazare droge.

Ndërkohë që Ministria në atë kohë siguronte qytetarët se do të godiste fort krimin dhe korrupsionin, sot Julian Balliu, dikur i kërkuar nga drejtësia për pazare droge është emëruar në një post të rëndësishëm si shef në njësinë speciale të policisë rrugore për Autostradën Milot-Morinë.

Balliu, nga një i kërkuar për pazare droge merr detyrën e rëndësishme nga drejtori i Policisë Rrugore Altin Qato.

Balliu ka mbajtur edhe detyra të tjera të rëndësishme, si në policinë e Lushnjes si shefi i qarkullimit rrugor./ CNA





Lajmet e fundit nga