Gazeta amerikane “USA Today”, në Fish City/ Intervistë me Gjergj Lucën

30 Nëntor 2024, 14:14, Aktualitet Albert Vataj

Gazeta amerikane “USA Today”, në Fish City/ Intervistë me

Gjergj Luca rikthehet në interesimin e mediave prestigjioze ndërkombëtare. Pas “The Guardian”, “Le Figaro”, Deutsche Welle, France24, AFP, TGCOM24, etj., etj., është gazeta amerikane, “USA Today”, e cila ka kapërcyer Atlantikun për t’u takuar, biseduar dhe për t’u njohur mbi arritjet e deritanishme dhe ambiciet e së ardhmes së Gjergj Lucës.

Atë jo vetëm e shajnë dhe masakrojnë nëpër rrjetet sociale, e akuzojnë, e qëllojnë dhe e baltosin, i bëjnë gjëmën, por e gjithë kjo është vetëm ana e errët e atij realiteti gojëtarie dhe përfaljeje, që nuk e ka ndaluar atë të bëjë më të mirë, sikurse edhe të reagojë, madje fuqishëm për probleme që kërkojnë zgjidhje emergjente.

Ai është ndryshe, krejt ndryshe nga sipërmarrësit e tjerë, nga biznemenët që bëjnë para me ndërtimtari e tendera, më allishverishe pushteti dhe babëzi pasurimi. Por Gjergj Luca nuk di të sillet kështu, ai ka dëshmuar jo vetëm më zë por edhe me vepër, se është I lindur për arritje të paimagjinueshme. Asnjë sipërmarrës shqiptar, asnjë i vetëm nuk ka guxuar si ai. Me “çmenduritë” e tij ka sprovuar, është ndeshur, ka humbur, por edhe ka fituar. Është rrëzuar dhe është ringritur me më shumë energji dhe me më shumë kurajë për të treguar se me pasion dhe përkushtim, me punë dhe vetëbesim të bëjë ëndrrat realitet. Vetë puna e tij e dëshmon këtë. “Rozafa”, legjendarja që e ktheu në ikonë të suksesit shqiptarë dhe në një brend konkurrues ndërkombëtar i produkteve “Made in Albania”.

Këto e shumë e shumë arritje të tjera të Gjergj Lucës, veprimtarisë së tij inovative dhe historisë së suksesit, punës së tij si shembull për mënyrën se si sipërmarrësit shqiptarë mund të ndikojnë në perceptimin ndërkombëtar për Shqipërinë, ka sjellë në Fish City, Labinot-Fushë, Elbasan, gazetën amerikane “USA Today”.

“Pata rastin të mikpres të dërguarën speciale të gazetës së madhe amerikane “USA Today” dhe gjatë një interviste të gjatë me të po u sjell edhe ju miq një pasazh të shkurtër. Sot po u zbuloj edhe ju tre mrekullitë sipas meje që janë edhe tre leksione të mëdha historike por kurrë nuk do u iki koha sepse na orientojnë për progres e mirëqenie…”, deklaron Luca.

Ata që Luca quan mrekulli janë ambicie të një zelli për të përmbushur çdo synim. Dhe ai, Gjergj Luca, ka ditur dhe do t’i mundësojë këto mrekulli si të prekshme edhe të aksesueshme për progresin e ekonomisë shqiptare, asaj aspirate që ngulmojnë vetëm ata, ata që e duan Shqipërinë jo vetëm për ta zhvatur, por edhe për t’i dhënë, ndoshta më shumë se gjithçka, shansin për të qenë dhe për t’u ndjerë si e barabartë në tryezën e madhe të vendeve dhe kombeve, me kulturë, histori, tradita dhe pasuri shpirtërore më të njëjtat vlera si e jona. Për të treguar me vepër dhe me vlera, se kemi qenë dhe jemi po kaq evropian sa çdo vend tjetër i këtij unioni përbashkues aspiratash progresi.