web counter
LEXO PA REKLAMA!

SHKARKO APP

App Store
Google Play

E fundit!

x

Goditja e grupit të Suel Çelës/ SPAK ndalon publikimin e dosjes hetimore

28 Nëntor 2024, 17:50, Aktualitet CNA
Goditja e grupit të Suel Çelës/ SPAK ndalon publikimin e dosjes
SPAK

GJKKO ka nxjerrë një vendim që ndalon publikimin e dosjes së SPAK-ut për operacionin e fundit, ku u dhanë 21 masa sigurie për grupin e Suel Çelës dhe personat që akuzohen se kanë bashkëpunuar me të.

Marrë shkas nga ky vendim, SPAK i ka kërkuar mediave të mos e nxjerrin dosjen deri në përfundimin e hetimeve paraprake.

Prokuroria e Posaçme thotë se çdo publikim i paautorizuar dëmton procesin hetimor dhe krijon pasoja të rënda për sigurinë e palëve të përfshira.

“Prokuroria e Posaçme Kundër Korrupsionit dhe Krimit të Organizuar u bën thirrje të gjitha mediave dhe aktorëve publikë që të respektojnë Vendimin e Gjykatës se Posaçme Kundër Korrupsionit dhe Krimit të Organizuar (GJKKO), datë 22.11.2024 “Për caktimin e masës së sigurimit personal” për çështjen penale nr. 138 dhe legjislacionin për mbrojtjen e sekretit hetimor. Çdo publikim i paautorizuar jo vetëm dëmton procesin hetimor, por krijon pasoja të rënda për sigurinë e palëve të përfshira dhe integritetin e procesit hetimor.

Goditja e grupit të Suel Çelës/ SPAK ndalon publikimin e dosjes
SPAK

Në përputhje me kërkesën e Prokurorisë së Posaçme për të ruajtur sekretin hetimor dhe për të ndaluar publikimin e akteve hetimore, GJKKO në vendimin e saj ka urdhëruar që:

“26. Bazuar në nenin 103 të K.Pr.Penale urdhërohet ndalimi i publikimit të kërkesës së prokurorisë, përmbajtjes së saj si dhe i akteve që lidhen me çështjen deri në përfundim të hetimeve, si dhe ndalohet tërësisht publikimi i këtij vendimi deri në përfundim të hetimeve paraprake.”

27. Mosrespektimi i urdhërimit të përcaktuar në pikën 26 të dispozitave të këtij vendimi përbën  vepër penale të përcaktuar në nenin 295/a paragrafi 3 të Kodit Penal, me titull “Zbulimi i akteve ose të dhënave sekrete”.

Sqarojmë se, pas dhënies dhe marrjes së kopjeve të këtij vendimi nga të hetuarit dhe pala mbrojtëse është vënë re se pjesë të tij janë bërë publike në media, në kundërshtim me urdhrin e gjykatës dhe kuadrin ligjor. Të gjitha personave nen hetim ju është përcjellë kopje e vendimit të gjykatës kundrejt firmosjes së procesverbalit për ruajtjen e sekretit hetimor.

Prokuroria e Posaçme Kundër Korrupsionit dhe Krimit të Organizuar mbetet e përkushtuar në garantimin e një procesi hetimor të drejtë, transparent dhe në përputhje të plotë me ligjin, duke mbrojtur të drejtat dhe sigurinë e qytetarëve”, thekson SPAK-u./ CNA





Lajmet e fundit nga