web counter
LEXO PA REKLAMA!

SHKARKO APP

App Store
Google Play

Gara për kreun e BKH, Xholi: Procesi është transparent/ Dumani: Aktualisht kompetencat i ushtron zv.drejtori

14 Tetor 2025, 18:15, Aktualitet CNA

Gara për kreun e BKH, Xholi: Procesi është transparent/ Dumani:

Prokurori i Posaçëm Adnan Xholi i pranishëm në Komisionin e Ligjeve deklaroi se gara për drejtorin e Byrosë Kombëtare të Hetimit ka qenë transparente dhe ka zgjatur 9 muaj.

Xholi tha se janë shkëmbyer 27 korrespondenca mes Prokurorisë së Përgjithshme, BKH dhe KLP për këtë çështje dhe Këshilli i Lartë i Prokurorisë u shpreh se gara në BKH ëshytë kompetencë e SPAK.

Prokurori i Posaçëm deklaroi se për hartimin e testeve për kandidatët kanë ndihmuar edhe partnerët britanikë.

 

"Procesi i përzgjedhjes së drejtorit të BKH ka qenë transparent dhe nuk ka pasur vonesa. Procesi ka nisur që në fund të muajit dhjetor 2024, ku janë diskutuar dispozita ligjore, 9 muaj më parë.

27 shkresa mes BKH, SPAK dhe KLP janë shkëmbyer nga dhjetori në shtator. 11 shkresa të dërguara nga dhjetori 2024 deri në korrik 2025.

Prokuroria e Posaçme ka dërguar 9 shkresa dërguar KLP-së, KLP ka dërguar 5 shkresa. Këshilli i Lartë i Prokurorisë është shprehuar se kompetenca ka qenë e SPAK.

Në prill 2025 drejtores së BKH iu kërkua të shprehtë interesin, nuk e shprehu dhe në maj u hap gara.

U bënë testet, të hartuar me ndihmën e partnerëve ndërkombëtarë britanikë.

U bënë testet dhe verifikimi pasuror dhe i pastërtisë së figurës. Nuk ka pasur pakënaqësi, vetëm një nga kandidatët që nuk u përzgjodh sepse nuk plotësonte kriteret ka ngritur padi në muajin shtator," tha Xholi.

 

Kreu i SPAK tha se aktualisht kompetencat e drejtorit të BKH i ushtron zv.drejtori.

"Kompetencat e drejtorit ushtrohen nga zv.drejtori dhe nuk krijohet boshllëk. Ligji nuk parashikon qartë se kur duhet të nisë procesi i zgjedhjes së drejtorit të ri. Pasi nuk aplikoi ish-drejorja u bë thirrja e hapur", deklaroi Dumani./CNA

 

 





Lajmet e fundit nga