E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Hetimet për krimet zgjedhore/ Çela: Problematikë, cilësia e referimit të rastit

14 Tetor 2025, 13:41, Aktualitet CNA

Hetimet për krimet zgjedhore/ Çela: Problematikë, cilësia

Kryeprokurori Olsian Çela ka folur në Komisionin për Çështjet Ligjore për hetimet proaktive për krimet zgjedhore. Çela u shpreh se një problematikë e evidentuar për nisjen e këtyre hetimeve ka qenë cilësia e referimit.

Ai theksoi se çdo referim duhet të shoqërohet me fakte dhe prova, pasi sipas tij është e pamundur që një prokur të marrë informacion nga zyra për atë që ndodh në terren. Kryeprokurori tha se rritja e cilësisë së referimeve ndikon edhe në forcimin e goditjes së krimit zgjedhor.

"Hetimet proaktive të 2025 lidhen me kapacitetet që ka në terren dhe natyrën e veprës penale. Ajo që kam konstatuar si problem është cilësia e referimit. Është e pamundur që një prokuror nga zyra të marrë informacion për atë që ndodh në terren. Kryesisht çështja lidhet me cilësinë e referimeve. Referimet nuk kanë qenë të një niveli të kënaqshëm për të sjellë produkt. Ne kemi inkurajuar prokurorët të kenë një rol proaktiv për nisjen e një hetimi për informacion që qarkullojnë në media për krimet zgjedhore.

Përveç faktit që ka pasur referime josubstanciale ka pasur dhe raste ku mund të ishte punuar më mirë. Ajo që ne jemi përpjekur të adresojmë është një presion pozitiv ndaj prokurorëve për hetimin e krimit zgjedhor. Tani cili ka qenë efekti? Perceptimi juaj me atë që në kemi prodhuar është e ndryshme. Ka vend për përmirësim, por kjo është e pamundur të ndodhë vetëm me angazhimin e prokurorisë.

Jam i ndërgjegjshëm që shifrat do të duhet të ishin më të larta. Dhe forca goditëse duhet të ishte më e lartë edhe në këtë fushë nga institucionet ligjzbatuese. Në të gjitha problemet që ka sistemi i drejtësisë dhe prokurorisë është bërë e pamundura me aq burime sa kemi. Ka pasur një rivlerësim tjetër sa u përket çështjeve të krimeve zgjedhore. Jemi përpjekur të luajmë në rol parandalues edhe në publik. Në fund çështjet mbeten çështje fati se çfarë i referohet prokurorit. Rritja e cilësisë së referimeve do të ndikojë në forcimin e goditjes së krimit zgjedhor", tha Çela. /CNA