E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Eficienca e ndjekjes penale/ Çela: Janë përfunduar rreth 25 mijë çështje, 36,72 % u dërguan për gjykim

14 Tetor 2025, 12:47, Aktualitet CNA

Eficienca e ndjekjes penale/ Çela: Janë përfunduar rreth 25

Kreu i Prokurorisë së Përgjithshme, Olsian Çela, raportoi këtë të martë në Komisionin e Ligjeve për vitin 2024.

Ndër të tjera, Çela u ndal tek eficienca në përfundimin e ndjekjes penale dhe e kërkesave në gjykatë.

Çela deklaroi se gjatë vitit 2024 janë përfunduar 24591 çështje që përbën rritje prej 5 % të çështjeve të përfunduara krahasuar me vitin 2023, prej të cilave: 36,72 % janë dërguar për gjykim, janë dërguar në gjykatë 9030 çështje me akuzë ndaj 10759 të pandehurve, 33,89 % janë pushuar, 26,91% janë pezulluar. Ka një tendencë të rritjes së çështjeve të pushuara në krahasim me vitin paraardhës për shkak të zbatimit të ligjit për amnistinë.

“Janë paraqitur në gjykatë 13062 kërkesa lidhur me masat e sigurimit personal. Nga ana tjetër, të dhënat statistikore mbi kërkesat e prokurorëve për caktimin e masave të sigurimit tregojnë se për vitin 2024, për rreth 60 % të të pandehurve të regjistruar ose për rreth 34 % të personave në hetim, është kërkuar caktimi i një mase sigurimi shtrënguese. Ndërkohë, rezulton se afërsisht 59.5% e kërkesave lidhen me caktimin e një mase sigurimi me arrest, masa këto të kërkuara për pothuaj 36% të të pandehurve regjistruar ose rreth 20% të personave në hetim. Në vitin 2023 është kërkuar caktimi i një mase sigurimi shtrënguese për mbi 55 % të të pandehurve të regjistruar ose 32% të personave në hetim. Ndërkohë, rezulton se rreth 59,3% e kërkesave lidhet me caktimin e një mase sigurimi me arrest, masë e kërkuar për 32,8 % të të pandehurve regjistruar ose për 19 % të të personave në hetim”,-tha Çela.

Sipas Çelës, vetëm në 31 raste është kërkuar masa e garancisë pasurore, ndërkohë që është kërkuar arresti në burg ndaj 3078 personave dhe detyrimi për paraqitje ndaj 2611 personave.

Sa u përket kërkesave për miratim të urdhrit penal, Çela përmendi se vazhdoi një tendencë në ulje, me vetëm 91 të tilla, ndërsa u rritën ndjeshëm kërkesat për miratimin e marrëveshjeve të fajësisë dhe gjykimit të drejtpërdrejtë, përkatësisht 183 dhe 333 raste./CNA