web counter
LEXO PA REKLAMA!

SHKARKO APP

App Store
Google Play

FOTO/ Dy shqiptarët kapen me hashash, marijuanë, heroinë, ekstazi dhe mbi 400 mijë euro 

17 Shtator 2023, 10:37, Aktualitet CNA

FOTO/ Dy shqiptarët kapen me hashash, marijuanë, heroinë,

Dy shqiptarë janë vënë në prangat e policisë italiane pasi akuzohen për posedim të lëndëve narkotike.

Një ‘supermarket droge’ i vërtetë u zbulua gjatë natës në periferi të Trevisos. Baza logjistike e trafikut të drogës ishte në një vilë në Silea, në periferi të Trevisos, ku ushtarakët gjetën një magazinë për ruajtjen e hashashit, marijuanës, heroinës dhe ekstazës. 

Prej andej furnizoheshin tregtarët e drogës që vepronin në masë në të gjithë zonën e Trevisos. 

Janë sekuestruar 58 kilogramë drogë dhe mbi 400 mijë euro cash.

Në pranga janë pronari i shtëpisë Silea dhe dy shtetas shqiptarë të moshës 32 dhe 43 vjeç. Tre bashkëpunëtorët akuzohen për posedim të lëndëve narkotike me qëllim trafikimin. Brenda shtëpisë ndodheshin 410 mijë euro cash dhe libra llogarish me emrat e klientëve. Biznesi kishte vazhduar për një kohë të gjatë. Kriminelët ishin të organizuar mirë dhe mendohet se trafiku i drogës shkonte përtej provincës së Trevisos.

“Ky operacion është edhe një konfirmim se në Veneto nuk ka vend për ata që punojnë në dëm të popullit tonë”, komenton guvernatori Luca Zaia. 

Në mënyrë të detajuar, ky është inventari i bërë nga policia pas bastisjes:

49 kilogramë hashash, 8 kilogramë marihuanë, 35 gramë heroinë, 50 gramë ekstazi (96 doza gjithsej). 

Ndodheshin edhe 770 cigare elektronike të markave të ndryshme me përqindje të lartë THC (përbërësi aktiv i kanabisit). Dhe 410 mijë euro në kartëmonedha të prerjeve të ndryshme, para që mendohet se janë të ardhura të veprimtarisë së paligjshme të tregtimit të drogës./ CNA





Lajmet e fundit nga