web counter
LEXO PA REKLAMA!

SHKARKO APP

App Store
Google Play

E fundit!

x

Çfarë fsheh Ervin Salianji për dosjen “Babale”

27 Shtator 2024, 13:44, Aktualitet CNA
Çfarë fsheh Ervin Salianji për dosjen “Babale”
Ervin Salianji

Deputeti Ervin Salianji një ditë më parë u dënua me një vit burg nga Gjykata e Apelit. Në fakt u la në fuqi vendimi i Shkallës së Parë, që e kishte dënuar Salianjin pas publikimit të dosjes famoze “Babale” dhe kallëzimit të bërë ndaj tij, menjëherë pas publikimit të asaj çështjeje.

Por diçka fshihet në këtë histori, dhe vetë Salianji dhe vetë mediat nuk kanë qenë të qarta plotësisht. Së pari, në asnjërin nga rastet nuk theksohet publikisht se gjatë momentit që është bërë audio montazhi, përgjimi i pavërtetë, në atë kohë ka qenë SHISH duke hetuar shtetasin Agron Geron Xhafaj.

Duke qenë se Fatmir Xhafaj ishte ministër i Brendshëm, për arsye të sigurisë kombëtare, në atë kohë SHISH i ishte vënë pas vëllait të ministrit dhe gjatë kohës që pretendohet se “Babale” ka hyrë në një ambient për ta regjistruar, për të bërë një bisedë me Agron Geron Xhafën, ka pasur brenda punonjës të SHISH, që kanë qenë nën vëzhgim.

Çfarë fsheh Ervin Salianji për dosjen “Babale”

Ky është një nga detajet që nuk thuhet. Pra këtu është konfirmuar fakti që nuk ka pasur një takim të “Babales” me Agron Xhafajn. Ai thjesht ka shkuar në tualet, kanë qenë në vëzhgim dhe ai e “Babalja” për të gjithë çështjen nga SHISH.

Më pas, çështja është bërë publike, ka plasur skandali dhe Salianji ka bërë denoncimin e tij publik. (Lexo këtu)

E dyta, që nuk thuhet, është ajo që vetë Salianji përmendi dje në disa studio televizive.

Çfarë fsheh Ervin Salianji për dosjen “Babale”
Ervin Salianji

Kush e keqpërdori atë dhe çfarë nuk thuhet?

Në studion e “MCN TV”, Salianji ka thënë se e kishte marrë ai çështjen përsipër, pasi Lulzim Basha ishte kryetar, Enkelejd Alibeaj kishte një çështje tjetër dhe Gazment Bardhi nuk ishte deputet.

"Kur ke bërë deklaratën s’ke qenë vetëm ti? Ishte dhe Gazment Bardhi, a ishit tre veta ju? Gaz Bardhi nuk ka qenë deputet në atë periudhë. Enkelejd Alibeaj ka pasur një proces të bashkëjetueses së vet, Basha ka qenë kryetar partie dhe kështu e mora unë përsipër", tha Salianji.

Çfarë fsheh Ervin Salianji për dosjen “Babale”
Enkelejd Alibeaj, Lulzim Basha dhe Ervin Salianji

Të njëjtën gjë ai e përmendi në emisionin “Opinion” të gazetarit Blendi Fevziu në “KLAN TV”. Sërish Salianji tha të njëjtën gjë, se ishte ai që e kishte marrë denoncimin përsipër sepse ishte deputet.

Çfarë të keqe do të kishte sikur denoncimin ta bënte Gazment Bardhi që nuk ishte deputet. A mos vallë Ervin Salianji ka qenë në dijeni që këtu ka diçka të manipuluar, ose diçka të paprovuar, ose kjo çështje nuk do të saktësohet e provohet, le të jetë dhe gënjeshtër dhe duhet të fshihej pas mandatit të deputetit për të shmangur gënjeshtrën? (Lexo këtu)

Pra në thelb, përse duhet ta merrte Salianji që ishte deputet dhe jo Gazment Bardhi që nuk ishte deputet? Pse nuk duhet ta bënte Lulzim Basha denoncimin?

Çfarë fsheh Ervin Salianji për dosjen “Babale”
Gazment Bardhi, Lulzim Basha dhe Ervin Salianji

A mos vallë Basha shmangu një mashtrim që ishte në dijeni? A mos vallë edhe personat e tjerë kanë qenë në dijeni të skemës që po përgatitej, por me justifikimin që është politike, është deputet, ecim përpara, shpifim ç’të shpifim, gënjejmë ç’të gënjejmë, të ngelet ç’të ngelet? Mos është ky rasti?

Çfarë dinë Lulzim Basha, Gazment Bardhi dhe Enkelejd Alibeaj dhe vetë Salianji që nuk e tregojnë?

Ndoshta ai do të shkojë në burg dhe nuk do të thotë asgjë. Por pikëpyetjet janë dhe qëndrojnë. Pra ka detaje të tjera që fshihen në këtë histori. Sepse shumë mirë mund ta kishte denoncuar Lulzim Basha direkt, siç denoncoi “Toyota Yaris” dhe gënjeu për të, e mori dënimin.

Çfarë fsheh Ervin Salianji për dosjen “Babale”
Lulzim Basha

Ishte Lulzim Basha sërish, por nuk e bëri për herë të dytë dhe ia dha Salianjit, duke e keqpërdorur. Gazment Bardhi si jurist u tërhoq se e dinte mirë situatën, Alibeaj u justifikua me çështje të tjera, dhe kështu Salianji u përdor dhe keqpërdor, edhe vullnetarisht pasi është “i çmendur” në pasionin e tij për të dalë në ekran, në skenë, për të denoncuar qoftë edhe budallallëqe të pamenduara, të cilat në fund kanë këto pasoja. Pra Salianji nuk i ka thënë të gjitha, duhet të na i thotë të gjitha!/ CNA





Lajmet e fundit nga