web counter
LEXO PA REKLAMA!

SHKARKO APP

App Store
Google Play

E fundit!

x

Çfarë është Partia e Lirisë

27 Korrik 2022, 17:48, Aktualitet CNA
Çfarë është Partia e Lirisë
Ish-presidenti, Ilir Meta

Ish-presidenti, ish-kryeministri, ish-kryetari i LSI-së, mblodhi miqtë e familjes së tij, të cilën e konsideron edhe parti personale, zhvilloi një Konventë, në një sallë me rreth 1600 vetë dhe shpalli ndryshimin e emrit të LSI-së, në Partinë e Lirisë.

U zgjodh vetë kryetar dhe emëroi kë mundi.

Njeriu, i cili 20 vjeç ka qënë spiun i Sigurimit, 30 vjeç hajdut kryeministër, ku është vjedhur floriri i vendit, 40 vjeç tradhëtar i së majtës dhe socialistëve e më pas tradhëtar edhe i Berishës dhe demokratëve. 50 vjeç është kryetari i Partisë së Lirisë.

Ilir Meta në një dalje të tij të fundit ka thënë se Partia e Lirisë i bashkon të tërë sovranitetin, Kushtetutën, Referendumin, e të tjerë.

Të ishte për sovranitet, Referendum dhe Kushtetutë, Ilir Meta do të ishte në burg, jo vetëm për çështjen e Thesarit, jo vetëm për çështjen e video-përgjimit me Dritan Priftin, jo vetëm për çështjet e lidhjeve me Kastriot Ismailajn, jo vetëm për çështjet e skandaleve të ministrave të tij në pushtet me Ramën, apo me Berishën.

Por, për pasurimin e tij, pasi ka ardhur me çorape të grisura nga Skrapari dhe tani është “sheiku” i kryeqytetit apo i Shqipërisë.

Dhe del se këto të gjitha i ka bërë si spiun, si tradhëtar, si hajdut. Dhe së fundi kërkon të rrijë në treg, duke luajtur me tezën e kryetarit të Partisë së Lirisë.

Ajo thjeshtë dhe vetëm ka një shpjegim. Ajo mund të quhet ndryshe Partia e Lekëve të Ilirit.

Pra, Iliri e do atë parti për lekët e tij dhe për “bandën” e LSI-së. Sektin e hajdutëve më të “çmendur” që ka pasur dhe ka njohur Shqipëria. Hajdutë dhe kusarë të mbledhur tek LSI-ja.

Një pjesë të dalë nga PS-ja, disa të dalë nga PD-ja e kështu me radhë. Ilir Meta krijoi partinë e tij të “Lekëve”, thjeshtë dhe vetëm që t’i shtojë ato, t’i mbrojë ato, sepse çfarë s’ka bërë në jetën e tij.

Ashtu siç e përmendëm më lart, ka spiunuar, vjedhur, e tradhëtuar.

Prandaj duhet Partia e Lirisë, që të mbrojë lekët e tij. Ky është shpjegimi i asaj partie dhe i çetës së hajdutëve që ka nga pas Ilir Meta, i cili sot po merr protagonizmin e opozitarit, por në fakt ka thjeshtë dhe vetëm rolin e kryekusarit./CNA.al

 





Lajmet e fundit nga