E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Me emër të ri dhe bëma të vjetra/ Partia e inceneratorëve “shfryn” dhe kërkon “prerje kokash”

27 Korrik 2022, 09:39, Aktualitet CNA

Me emër të ri dhe bëma të vjetra/ Partia e

Fushata për zgjedhjet vendore të 2023-shit, ka nisur ashpër, Ilir Meta pas largimit nga Presidenca po kërkon “kokën e Erion Veliajt.

Ish-kryetarja e LSI-së, Monika Kryemadhi, në një konferencë për shtyp, mëngjesin e sotëm, ka akuzuar kryebashkiakun e Tiranës, Erion Veliaj, për përfshirje në aferën e inceneratorëve.

LSI-ja që sot është PL, është vetë e para që duhet të japë llogari për aferën e inceneratorëve, për të cilën ka heshtur ndër vite dhe është kujtuar së fundmi apo siç ndodh rëndom kur ka zgjedhje apo kur u ndërpriten fondet.

“Kush ka sy të shohë, e kush ka veshë të dëgjojë, e kupton qartë rolin e kryetarit të Bashkisë Tiranë, për të bërë të mundur realizimin e koncesionit korruptiv të Tiranës.

Qytetarët presin që sy dhe veshë të ketë drejtësia.

SPAK-u të mos shkojë me pushime, por të vendosë para drejtësisë shkelësit e ligjit dhe të gjithë procedurave shtetërore.

Erion Veliaj gënjen në komisionin hetimor: thotë se ka një germë G në Vendimin e Këshillit Bashkiak, kur ja, shikojeni, ku ka një gërmë G në këtë vendim që ai i referohet.

Edhe sikur të kishte, ky vendim daton 1 muaj, pasi kontrata koncesionare ishte miratuar; dhe Erion Veliaj e kishtë dhënë dakordësine e Bashkisë Tiranë për të marrë përsipër 91 milionë euro pagesa, siç kërkohej paraprakisht për të vijuar procedurat koncesionare.

Inceneratorët janë simboli i qeverisjes së vendit dhe koha nuk pret. Nuk duhet të ekzistojë asnjë hezitim, asnjë aryse për intimidim, asnjë konflikt interesi, me të afërm në punë apo leje pallatesh në Tiranë, Durrës apo në çfarëdo qyteti të vendit.

Këto probleme i kishte drejtësia e vjetër, ndërsa ne presim, shpresojmë dhe do mbështesim me fakte, prova dhe angazhim të përditshëm, që prokurorët e SPAK-ut të bëjnë detyrën dhe t'i shërbehet mbi të gjitha interesit qytetar”, është shprehur sot Kryemadhi./CNA.al