web counter
LEXO PA REKLAMA!

SHKARKO APP

App Store
Google Play

E fundit!

x

Faktet/ Sali Berisha dhe Mero Baze bashkë pro Erion Veliajt

28 Maj 2026, 14:06, Aktualitet CNA

Sali Berisha dhe Mero Baze duket se janë bashkë dhe ajo që i bashkon është beteja kundër drejtësisë, kundër SPAK-ut, kundër luftës ndaj korrupsionit dhe beteja pro Veliajt duke sulmuar prokurorët e çështjes së kryetarit të Bashkisë së Tiranës që ndodhet në burg me 13 akuza të rënda penale.

Sali Berisha njësoj si emisioni Plug në Syri Tv kanë sulmuar ish kreun e SPAK-ut, Altin Dumani. Altin Dumani është prokurori i dosjes Veliaj dhe gjithashtu njeriu që po heton aferën e AKSHI-t.

Faktet/ Sali Berisha dhe Mero Baze bashkë pro Erion Veliajt

Faktet/ Sali Berisha dhe Mero Baze bashkë pro Erion Veliajt

Nën drejtimin e tij, SPAK-u ka hetuar dhjetëra dosje të rënda penale, korrupsioni, aferash dhe krimi.

Dumani zbërtheu dosje të krimit, zbërtheu grupet kriminale, luftoi krimin e organizuar gjatë drejtimit të Prokurorisë së Posaçme.

Por, me sa duket, për Sali Berishën dhe për opozitën kjo nuk vlen. Ata duan prokurorë mercenarë.

Në këtë rast kemi të bëjmë me një prokuror me integritet që lufton krimin, që lufton korrupsionin, dhe që opozitës nuk i duhet. Edhe pse pa disa prej prokurorëve të SPAK-ut dhe pa Altin Dumanin, kjo opozitë sot nuk do të kishte asgjë çfarë të thoshte, pasi shitet e blihet si mall në tregun çam.

Të njëjtin sulm e bën dhe Mero Baze, por jo me Altin Dumanin edhe disa të tjerë, por e bën me prokurorin Ols Dadon, prokurorin tjetër të dosjes Veliaj.

Pra, jemi përballë faktit, të dy prokurorët e dosjes Veliaj, njërin e sulmon Mero Baze, tjetrin e sulmon Sali Berisha, duke treguar se i bashkon beteja kundër drejtësisë, SPAK-ut dhe luftës ndaj korrupsionit dhe beteja pro Veliajt.

Mero Baze nga njëra anë sulmon prokurorët nga ana tjetër shqetësohet për drejtësinë e re, për shkeljen e të drejtave të njeriut dhe burgjet plot.

Faktet/ Sali Berisha dhe Mero Baze bashkë pro Erion Veliajt

Po nuk na thotë që burgjet nuk janë mbushur me zyrtarë të lartë të korruptuar, por janë mbushur me qytetarë dhe hallexhinj nga policia dhe prokuroritë e rretheve.

Ajo që ne shohim, ajo që duket qartazi dhe që shohin çdo ditë qytetarët është se Mero Baze, Sali Berisha kanë të njëjtin qëndrim për drejtësinë. Të njëjtin qëndrim ka edhe Carlo Bollino, megjithëse është më i moderuar.

Sali Berisha i bie Altin Dumanit, Mero Baze i bie Ols Dados. Shohim intriga ndaj gjyqtarëve, sulm ndaj Engert Pëllumbit, sulm ndaj Erjon Banit, sulm ndaj gjyqtarëve të tjerë, thjesht dhe vetëm për hallin e tyre.

Mero, në fakt, hallin e ka më të vogël, se ka hallin e Erionit. Saliu ka hallin e vet.

Pyetja është shumë e thjeshtë: Kur do ndahet Saliu nga Mero Baze dhe Mero Baze nga Saliu? Se me sa duket po i bashkon Erion Veliaj./ CNA





Lajmet e fundit nga