web counter
LEXO PA REKLAMA!

SHKARKO APP

App Store
Google Play

E fundit!

x

Sulmet kibernetike/ Çuçi: Sistemi TIMS rikthehet në funksion në 6 pika kufitare

11 Shtator 2022, 11:24, Aktualitet CNA
Sulmet kibernetike/ Çuçi: Sistemi TIMS rikthehet në funksion
Ministri i Brendshëm, Bledi Çuçi

Ministri i Brendshëm, Bledi Çuçi, ka bërë me dije se prej mesnatës sistemi TIMS është rikthyer në funskion të plotë në pikën e kalimit kufitar në Rinas. Gjithashtu edhe në pikat e tjera kufitare si Hani i Hotit, Kapshticë, Muriqan, Morinë, dhe Kakavijë.

Përmes një reagimi në rrjetet sociale, Çuçi shkruan se po punohet për rikthimin e sistemit TIMS edhe në pikat e tjera kufitare.

“Përgëzime ekipit të IT në Drejtorinë e Përgjithshme të Policisë së Shtetit për punën pa ndërprerje që nga minuta e parë e sulmit kibernetik, për të rivënë në funksionim sistemet tona dhe veçanërisht atë TIMS.

Gjithashtu falënderoj partnerët amerikanë që kanë qenë pranë edhe në këtë rast e po bëjnë çdo përpjekje për ta bërë Shqipërinë sa më të sigurt. Prej mesnatës sistemi TIMS është rikthyer në funksion të plotë në Pikën e Kalimit Kufitar Rinas. Po kështu është rivënë në punë edhe në pikat e tjera kufitare të vendit: Hani i Hotit, Kapshticë, Muriqan, Morinë, dhe Kakavijë.

Aktualisht ekspertët tanë po vijojnë punën e pandërprerë për rikthimin e sistemit TIMS në Pikat e tjera të  Kalimit Kufitar si dhe po marrin masat nevojshme për të mos pasur më ndërprerje. Kërkojmë mirëkuptimin e qytetarëve që janë ndeshur me vonesa.

Ne kemi punuar prej momentit të parë kur u detektua sulmi kibernetik, për të garantuar mbi të gjitha paprekshmërinë e të dhënave dhe më pas për rikthimin në normalitet në kohën më të shpejtë të mundshme”, shkruan Çuçi në postimin e tij në rrjetet sociale./ CNA.al





Lajmet e fundit nga