web counter
LEXO PA REKLAMA!

SHKARKO APP

App Store
Google Play

Çështja "Gërdeci"/ Debate në sallën e gjyqit, Gjoka nxjerr jashtë avokatin e Mediut

10 Korrik 2024, 12:17, Aktualitet CNA
Çështja "Gërdeci"/ Debate në sallën e
Fatmir Mediu, foto: LSA

Seanca e sotme në Gjykatën e Posaçme për çështjen "Gërdeci" është shoqëruar me debate të forta, ku u përjashtua edhe njëri prej avokatëve mbrojtës. 

Në seancë ishte parashikuar marrja në pyetje e 5 ekspertëve që kanë përcaktuar dëmin ekonomik të shkaktuar nga shpërthimi i 15 marsit 2008, Bexhed Zeqiri- financier kontabël,  Ymer Stafa-ekonomist financiar,  Rasim Metallari- financier, Latif Çela- financier, dhe  Mondi Hoxha- punonjës në sektor privat.

Në nisje të seancës, ekspertët kërkuan kohë që të mund t’i jepnin përgjigje të gjitha pyetjeve për shkak se do të duhej të konsultoheshin, por këtu ndërhyri avokati i Mediut, Ardian Visha, i cili filloi t’i bënte pyetje ekspertit Zeqiri, të cilat GJKKO i konsideronte si pyetje të papranueshme.

Edhe pse Gjykata i tërhoqi vëmendjen disa herë, Visha nuk u tërhoq derisa gjyqtarja Gjoka vendosi përjashtimin e tij nga seanca për shkelje të Kodit të Etikës.

Gjykata çmoi se për shkak se akti i ekspertimit është voluminoz dhe fakti që është përpiluar nga 5 ekspertë si dhe kohen e gjatë që ka kaluar që ne 2008, u lë kohën ekspertëve që të konsultohen me shënimet dhe dokumentet e tjera.

Seanca e radhës pritet të zhvillohet më 17 korrik. 

Në një dalje për mediat pas përfundimit të seancës, Mediu tha se e gjitha është një proces absurd. Ai kërkoi që të bëhet një akt ekspertimi i ri, duke theksuar se deri më tani është treguar se nuk ka aspak interes për të vërtetën.

"Kjo është një situatë absurdi. Duhet të kemi një proces të mirëqenë, jo sa për të kaluar radhën. Nuk ka interes për të vërtetën, kjo duket qartë në seancat gjyqësore. Kjo është një rrugë pa krye. Të bëjën një akt-ekspertimi të ri, për të parë përgjegjësitë e ministrit. Duhet të thonë ku janë përgjegjësitë e ministrit", u shpreh ai./ CNA 





Lajmet e fundit nga