E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Qeveria përgënjeshtron Veliajn

10 Korrik 2024, 11:08, Aktualitet CNA

Kreu i Bashkisë së Tiranës, Erion Veliaj

Kreu i Bashkisë së Tiranës, Erion Veliaj, deklaroi një ditë më parë se kemi 1 milion turistë çdo muaj. Një gënjeshtër kjo e radhës e kryebashkiakut, që mesa duket nuk i bëjnë më përshtypje mashtrimet që bën në publik.

“Është një kënaqësi e jashtëzakonshme që kemi një Tiranë plot me turistë sot. Është shumë e rëndësishme që kemi marrëdhënie shumë të mira mes shtetesh, mes qytetesh, por marrëdhëniet më speciale janë mes njerëzve, sepse çdo turist e qytetar kthehet në një ambasador që përhap lajme të mira për vendet që viziton dhe për eksperiencat që ka. Duke qenë se kemi një milion turistë çdo muaj, sa dyfishi i popullsisë sonë, fakti që Tirana është ende e pastër, fakti që ende kemi respekt për njëri-tjetrin në grup, fakti që respektojmë trafikun, që i lëmë hotelet dhe Airbnb në gjendje siç i gjetëm, meriton gjithë falënderimin dhe respektin nga ana ime”, tha Veliaj.

Por këtë herë Veliajn, i cili vetëquhet zdroms, e kanë nxjerrë zbuluar të vetët, mazhoranca. Sipas shifrave të Ministrisë së Turizmit dhe Mjedisit, të publikuara një ditë më parë, 4.5 milionë turistë të huaj hynë në Shqipëri në gjashtëmujorin e parë të vitit 2024 ose 34% më shumë se e njëjta periudhë e vitit 2023.

"4.5 milionë turistë të huaj hynë në Shqipëri në gjashtëmujorin e parë të vitit 2024 ose 34% më shumë se e njëjta periudhë e vitit 2023. Muaji qershor solli 1.2 milionë flukse hyrëse në vendin tonë ose 19,1% më shumë se qershori i vitit që shkoi", njoftoi ministria.

Pra, Ministria e Turizmit dhe Mjedisit ka përgenjështruar Veliajn.

Sipas "Lali Erit" kemi 1 milion turistë në muaj, dhe nëse e llogarisim në 6 muaj duhet të kishim 6 milionë turistë. Në fakt janë 4.5 milionë turistë gjatë kësaj periudhe.

Kjo tregon dhe një herë gënjeshtrat e Erion Veliajt, të cilat tashmë nuk përgënjeshtrohen vetëm nga mediat dhe nga opozita, por edhe nga vetë ministritë./CNA