E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Ekspertja tregon “gafën” e PS-së/ Paratë nga buxheti i shtetit nuk janë për mbjellje pemësh

15 Prill 2023, 18:49, Aktualitet CNA

Ekspertja tregon “gafën” e PS-së/ Paratë nga buxheti

Ekspertja e çështjeve Zgjedhore, Gerta Meta ka treguar gabimin e PS-së me mendimin për të nisur fushatën me mbjelljen e pemëve.

Ekspertja ka treguar se paratë, KQZ-ja ua shpërndanë partive politike nga buxheti i shtetit për të njohur qytetarët me platformat që do të projektojnë për ta dhe ji për mbjellje pemësh.

Ndër të tjera ajo shtoi se këtë gjë PS-ja duhet ta kishte menduar dhe duhet ta reflektojë në vazhdimësi.

“Çelja e fushatës së PS ishte një mënyrë modeste sepse ne jemi mësuar të shohim të tjera skenare, por pamë edhe që u mbollën 61 pemë pasi zgjedhjet zhvillohen në 61 bashki. Por do të ishte më e mirë që njerëzve t’u shpjegohet programi dhe platforma. KQZ ka bërë të mundur për të dhënë ca para dhe buxhet nga buxheti i shtetit që qytetarët të njihen me platforma. Pra nuk janë para për të mbjellë pemë. Është një moment që PS duhet ta kishte menduar dhe pse jo ta reflektojë në vijimësi. Urojmë që fushata të jetë larg gjuhës së dhunës, bullizmit. Situata është shumë e tensionuar pavarësisht që bëjmë thirrje që partitë politike të bëjnë fushatë të qytetëruar. Por sulmet, gjuha që përdorin dhe mesazhi që japin tek qytetarët janë të tensionuara”, u shpreh më tej.

Meta ndër të tjera u shpreh se kandidatët e partive hezitojnë që të përballen e njëri-tjetrin në panelet televizive.

"Zgjedhjet lokale janë vetëm për qytetarët, në këtë përballje të kandidatëve, do të ishte qershia mbi tortë që të vinte si risi që kandidatët të përballeshin. Por shihet një frikë dhe një hezitim. Këta njerëz duhet të ishin në një panel dhe secili të shpaloste vizionin e tij se si do të ndryshonte jetë e qytetarëve me platformat e tyre", tha ajo./CNA.al